Şou-biznes

Mabel Matizə cinayət işi açıldı - YENİLƏNİB

19 Sentyabr 2025 00:20
Baxış: 6 854
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MARAQLI #TÜRKİYƏ #MÜĞƏNNİ

00:20

Xəbər verdiyimiz kimi, Türkiyədə müğənni Mabel Matizin bir neçə gün öncə yayımlanan yeni mahnısı "Perperişan"a giriş bloklanıb.

Milli.Az xəbər verir ki, İstanbul Baş Prokurorluğu mahnıda nalayiq sözlər olduğu üçün ifaçıya Türkiyə Cəza Məcəlləsinin 226-cı maddəsi ilə cinayət işi açıb.

Qeyd edək ki, Matiz məsələyə münasibət bildirərək mahnının sözlərinin qəsdən tamamilə başqa yerə yozulduğunu deyib.

---------
11:09

Türkiyənin Ailə və Sosial Xidmətlər Nazirliyi məşhur müğənni Mabel Matizin "Perperişan" mahnısına girişin bloklanması üçün Ankara Növbətçi Sülh Cəza Məhkəməsinə müraciət edib.

Nazirliyin açıqlamasına görə, mahnının məzmunu ailə institutuna zərər verə bilər, uşaq və gənclərin əqli inkişafına mənfi təsir göstərə bilər, ictimai asayişi poza bilər və ictimai narazılıq doğura bilər.

Müraciət ərizəsində qeyd olunur ki, vətəndaşlar da CİMER (Cümhuriyyət İnformasiya Mərkəzi) vasitəsilə nazirliyə şikayət edərək mahnının sözlərinin ailə dəyərlərinə uyğun olmadığını bildiriblər. Bu müraciətlər son nəticədə rəsmi tədbirin görülməsinə təkan verib.

Nazirlik qərarın icrası üçün məsələni İnformasiya Texnologiyaları və Rabitə Qurumuna göndərərək, mahnının internetdə yayımlanmasının bloklanmasını təmin etməyi xahiş edib.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.