Şou-biznes

"Dəfnimə gəlməyin" - Kırmızıgülün vəsiyyəti

12 Sentyabr 2025 00:25
Baxış: 1 588
VTB-də minimal faiz dərəcəsi ilə nağd kredit 9.9%-dən
#MÜĞƏNNİ

Türkiyəli müğənni Mahsun Kırmızıgül media qurumlarına və xəbər kanallarına sərt şəkildə etiraz edib.

Milli.Az xəbər verir ki, o, sənətçilərin yaşadığı müddətdə dəyər görmədiyini, yalnız vəfat etdikdən sonra xatırlandığını bildirib. Bu barədə Mahsun sosial şəbəkədə yazıb:

"Sənətçinin əsərinə, konsertinə, alın təri ilə qazandığı əməyinə dəyər vermirsiniz. Yaşadığı zaman onu görməzdən gəlirsiniz. Təəssüf ki, sənətçilər öldükdə xatırlanır. Edip Akbayram, Volkan Konak, Ferdi Tayfur, Özkan Uğur kimi şəxsləri itirdikdə bu acı mənzərənin şahidi olmuşuq.

Halbuki sənətçi xalq üçün çalışır. Əməyi ilə, alın təri ilə dəyər qatır. Amma bu gün əksər xəbər kanalları və səhifələri sənətçinin səsinə yer vermək yerinə, oğurluq edənlərə, ikiüzlü saxtakarlara, şəxsi maraqları üçün danışanlara yer verir. Ayıb olsun! Bu gün gəldiyimiz nöqtə utanılacaq haldadır.

Bundan sonra bizi görməyənləri biz də görməyəcəyik! Artıq sənət və sənətçiyə hörmət etməyən, alın tərinə və əməklə qazandığı dəyərlərə yer verməyən xəbər səhifələrinə və media qurumlarının proqramlarına qatılmayacağam.

Və bu mənim son sözüm, vəsiyyətimdir. Bir gün başıma nəsə gəlsə və ya bu dünyadan köçsəm, xəbərimi verməyin! Dəfnimə gəlməyin! Gedin, xəbər dəyəri daşıdığını düşündüyünüz oğruların, uşaqlarımızın gələcəyini oğurlayanların xəbərlərini verin! Sənətçinin dəyəri yaşadığı zaman bilinmirsə, öldükdən sonra deyilən sözlərin heç bir mənası yoxdur". ( Axşam.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.