Ən məşhur müğənni pişiyindən yoxsul "kasıb oğlan"a ƏRƏ GEDİR - FOTOlar

Teylor Svift dünyanın kommersiya cəhətdən ən uğurlu ifaçılarından biridir. Müxtəlif illərdə onun sevgililəri arasında "Twilight" ulduzu Teylor Lotner, yeddi "Qremmi" mükafatı laureatı Con Meyer, "Oskar"a namizəd Ceyk Cillenhol, ABŞ-ın 35-ci prezidenti Con Kennedinin nəvəsi Konner və digər tanınmış simalar olub. Ancaq bütün bu sınaqlardan yalnız bir idmançı - NFL-in canlı əfsanəsi Trevis Kelsi keçə bilib.

Milli.Az bildirir ki, Trevis "Kansas-Siti Chiefs" klubunda çıxış edir və müasir dövrün ən yaxşı tayt-endlərindən biri hesab olunur. Trevisin üç çempionluq üzüyü var, o, dəfələrlə müxtəlif simvolik yığmalara salınıb, saysız-hesabsız rekordları var, hətta onu "Saturday Night Live" şousuna da dəvət ediblər. Ədalətli olsaq, Kelsi hələ Sviftlə münasibətlərindən əvvəl məşhur idi. Amma onların sevgisi ictimaiyyətə açılandan sonra Trevisin populyarlığı bütün sərhədləri aşdı.

Məsələn, Teylorun ilk dəfə "Chiefs" oyununun tribunalarında göründüyü həmin qarşılaşmadan sonra:

Kelsinin cərsi satışları 400% artdı;
futbolçunun sosial şəbəkələrdə izləyici sayı 400 min nəfər çoxaldı;
Trevisin qardaşı Ceysonla (o da futbolçudur) apardığı podkast Apple reytinqlərində birinci yerə çıxdı;
həmin "Chiefs" oyununu 24 milyondan çox insan izlədi.

Hər şey 2023-cü ildə başladı: Trevis Eras Tour çərçivəsində Teylorun konsertinə qatıldı. Futbolçu müğənniyə öz telefon nömrəsinin yazıldığı bir "dostluq qolbağı" vermək qərarına gəldi. Plan alınmadı və Kelsi bunu az sonra podkastında danışdı. Və bu, əslində düzgün addım oldu. Aylar sonra Teylor belə demişdi:

"Görünür, bu, 1973-cü ildə işləyərdi... Bu qədər düşünülməmiş, romantik jest idi, oğlan mənimlə görüşə bilmədi və bütün Amerikaya şikayətləndi. Mənim üçün bu, 80-ci illərin filmlərindəki səhnənin müasir versiyası kimi göründü: baş qəhrəman pəncərənin altında boombox-la dayanır: "Mənimlə görüşmək istəyirsən? Mən sənin üçün qolbaq düzəltdim! Gəl görüşək!" Mən də düşündüm ki, əgər bu oğlan dəli deyilsə, bu, gənclikdə mahnılar yazanda xəyal etdiyim şeydir".

Bir müddət sonra Teylor və Trevis Nyu-Yorkda görüşdülər. Və o vaxtdan bəri artıq ayrılmayıblar.

Sevgilisi sayəsində Teylor, öz etirafına görə, Amerika futbolunu anlamağa başladı. Trevis isə bir dəfə Sviftin şousunun bir parçasına çevrildi: Vembleydəki konsertdə Kelsi onunla səhnəyə çıxdı və "I Can Do It With a Broken Heart" nömrəsində iştirak etdi.

Müğənniyə yaxın mənbələrin dediyinə görə, məhz Kelsinin yanında Teylor çoxdan arzuladığı sabitliyi və inamı tapıb. Onların nişan postunda Teylor yazmışdı:

"Sənin ingilis dili müəllimən və sənin idman müəllimin evlənirlər."

Forbes-in hesablamalarına görə, Teylor və Trevisin ümumi sərvəti 1,67 milyard dollar təşkil edir ki, bu da onları ən nüfuzlu məşhur cütlüklərdən birinə çevirir. Doğrudur, bu məbləğin böyük hissəsi Teylora aiddir - idmançınınsərvəti "cəmi" 70 milyon dollar, halbuki Sviftin pişiyi Olivia Bensonun belə 97 milyon dolları var. Amma dollarları saymaq nəyə gərək - Trevis və Teylor bir-birilə xoşbəxtdirlər.  /Lent.az

Milli.Az