Şou-biznes

"Həyat yoldaşımla da burada tanış oldum" - Fotolar

31 Avqust 2025 07:35
Baxış: 1 107
VTB-də yüksək depozit faizleri daha çox qazandırır

"20 il... 2005-ci il avqustun 29-u İctimai Televiziya fəaliyyətə başladı. İlk dəfə səhnəyə aparıcı kimi çıxmalı idim. Konservatoriyanın ikinci kurs tələbəsi, məntiqlə musiqiçi olacaqdım. Özü də xor dirijoru. Amma Aygün xanım Səmədzadə məndə başqa potensial görürdü. Mənə inanan ilk o oldu".

Milli.Az xəbər verir ki, bu sözləri aparıcı Leyla Quliyeva sosial şəbəkədə yazıb. Aparıcılıq fəaliyyətinin 20 illinin tamam olduğunu bildirən L.Quliyeva bunları əlavə edib:

"Daha sonra isə kanalın o vaxtkı baş direktoru İsmayıl Ömərov. Həyatımda mayak olan insanları heç vaxt unutmuram, onlara ölənə qədər sadiqəm. Və bu gün televiziya fəaliyyətimin 20 ili tamam olur. Ümidvaram ki, bu 20 ildə onların üzünü qara etmədim. İctimai TV-də tək efir adımı, karyeramı, uğurlarımı qazanmadım. Həyat yoldaşımla da burada tanış oldum - Abbas Quliyev. Səndən danışıram. Bu gün əldə etdiyim nailiyyətlərin, 3-5 nəfər arasında tanınmağımın səbəbkarı ilk növbədə İctimai Kanaldır. Orada qazandığım gözəl dostlarım var. Mənə kamera önündə dayanmağı, estetikanı öyrədən Rövnəq Həsənzadə,  sizə təşəkkür edirəm. Şəkillərə hamını sığışdıra bilmədim. Amma ürəyimdə çoxunuz varsınız. İTV-də çalışan bütün fədakar, dürüst, sadiq televiziyaçıları ürəkdən təbrik edirəm! Uğurlarınız bol olsun".

Milli.Az
 

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.