Şou-biznes

Məşhur türkiyəli aktyor vəfat etdi - FOTO

18 İyul 2025 00:31

Baxış: 4 425

VTB-də minimal faiz dərəcəsi ilə nağd kredit 9.9%-dən

#AKTYOR

"Deli Yürek", "Böyle mi Olacaktı" və "Çarli İş Başında" kimi 90-cı və 2000-ci illərin sevilən seriallarında rol almış aktyor Mehmet Ali Tuncer vəfat edib.

Milli.Az xəbər verir ki, bu barədə türk mediasında məlumat yayılıb.

Sənətçi 57 yaşında ürək tutmasından dünyasını dəyişib.

Sənətçinin vəfatı ilə bağlı AA müxbirinə açıqlama verən iş adamı Əkrəm Tuncer, əmisi Mehmet Ali Tuncerin ürək problemi olduğunu və bir müddətdir müalicə aldığını bildirərək, bu gün ürək tutmasından vəfat etdiyini deyib.

Mehmet Ali Tuncer kim idi?

Mehmet Ali Tuncer, 1968-ci ildə İstanbulda dünyaya gəlib. 1985-ci ildə Ulvi Alacakaptan, Hasan Nail Canat, Hüseyin Goncagül və İbrahim Sadri ilə birlikdə teatr fəaliyyətinə başlayıb.

TRT 1 kanalında yayımlanan "Aşkın Yolculuğu: Yunus Emre" serialında Boluluzade Ali Taygu obrazını canlandıran Tuncer, eyni zamanda "Deli Yürek" və "Böylemi Olacaktı" seriallarında da rol alıb.

Ənənəvi Türk teatrı ilə də sıx əlaqədə olan sənətçi, "Sanat Manat'a Karşı" və "Efendi Hayrettin Süperstar" tamaşalarında səhnəyə çıxıb.

Lalə Qüdrətova
Milli.Az