Şou-biznes

Nazim bu həkimdən 50 min təzminat alıb

26 İyun 2025 11:42
Baxış: 1 567
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #MÜĞƏNNİ #PUL #HƏKİM

Müğənni Nazim Pişyari (Faytonçu) illər öncə "Elmed" klinikasının cərrahı Elman Əzimovla aralarında başlayan məhkəmə çəkişməsində 50 min manat təzminat alıb.

Milli.Az xəbər verir ki, bu barədə "OLAY"a sənətçi özü danışıb.

N.Pişyarinin sözlərinə görə, bu məsələdən sonra o, həkimin imicinə zərbə vurub: 

"Elmed" klinikasının cərrahı Elman Əzimovla məhkəmə davamız uzun çəkdi. Amma qərar sonda mənim xeyrimə bitdi. Həkimdən 50 min manat təzminat aldım. Həmin vaxt xəstəxanada xərclədiyim bütün vəsaiti geri ala bildim. Həmin pulu yavaş-yavaş xərclədim. Hadisə 2017-ci ildə olub, indi 2025-ci ildir. O vaxtdan pul qalar?

İkincisi də həkimə böyük zərbə vurdum. Məsələ ictimailəşən kimi onun həkimlik statusuna zərbə dəydi. Məhkəmə prosesi gedəndə onu hər yerdə sıxırdılar. Ölkədən çıxa bilmədi, işləyə bilmirdi. Məhkəmə gedən vaxt onu işdən kənarlaşdırmışdılar. Hardasa 4-6 ay işləmədi. Bu da bilirsiniz də nə deməkdir?"

Qeyd edək ki, N. Pişyari 2017-ci ildə "Elmed" klinikasında cərrah Elman Əzimov tərəfindən əməliyyat olunub, lakin səhhətində daha ciddi problemlər yaranıb. Müğənni ondan sonra İsrail və Türkiyədə bir neçə əməliyyat keçirib.

Bakıya qayıdan sənətçi səhhəti qaydasına düşən kimi həkimin ciddi cəzalandırılması tələbi ilə Baş Prokurorluğa, Bakı Şəhər Prokurorluğuna və Binəqədi Rayon Prokurorluğuna müraciət edib. /olay.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.