Şou-biznes

"40 gün depressiyada oldum, hər gün xəstəxanaya aparırdılar"

24 İyun 2025 19:30

Baxış: 3 649

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #MÜĞƏNNİ #ŞOU

Müğənni Əlikram Bayramov çətin günlərini yada salıb.

Milli.Az xəbər verir ki, "Bir gün" verilişində qonaq olan ifaçı olduğu pilləyə çatmaq üçün olunan fədakarlıqları dilə gətirib.

"İndiki vəziyyətimə çox çətinliklə, "cırmaq-cırmaq" gəlmişəm. O vaxt məşhur "Səbuhi studiyası" vardı, kasetlərin yazılmasına baxırdı. İnsanlara səsimi eşitdirmək üçün onun qapısında günlərlə "yatmışam". Həyat yoldaşım boynundakı sepi, barmağındakı üzüyü çıxarıb mənə verirdi ki, mahnı xərclərini qarşılayım. Görürdü ki, çox əmək sərf edirəm".

Sənətçi anasının dünyasını dəyişdiyi zamanı xatırlayaraq kövrəlib:

"Ana tərbiyəsi görümüşəm. Gzöümü açandan ata görməmişəm deyə, ailənin yalnız anadan ibarət olduğunu düşünürdüm. Mənə gözəl tərbiyə verib. Dünya boyda, dünya bəxş edib. Müğənni olmağımı istəmirdi. Artist sözünü sevmirdi. Bir nəsihəti vardı ki, kiminsə çörəyinə bais olmayım.

Lap yaxşı qazanan günlərimi görə bilmədi. Dünyasının dəyişən gün rayona toya gedirdim, musiqiçiləri yollamışdım. Əslində müalicə alıb yaxşılaşmışdı, sonra yenidən pisləşdi. Evdən zəng etdilər ki, yaxşı deyil. 1 saatlıq çıxışım var idi, oxuyub, qayıdacaqdım. Daha sonra yenidən zəng gəldi ki, geri qayıt. Çatanda artıq dünyasını dəyişmişdi. 40 gün depressiyada oldum. Hər gün xəstəxanaya aparırdılar".

Hüseyn
Milli.Az