Şou-biznes

"Qızlar mənə nömrələrini verirlər"

17 İyun 2025 19:24
Baxış: 2 019
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #DÜNYADA #MARAQLI #MƏŞHURLAR

Əfsanəvi aktyor Arnold Şvartsenegger maraqlı etirafı ilə gündəmə gəlib.

Milli.Az xarici mediaya istinadla xəbər verir ki, 77 yaşlı Hollivud ulduzu zarafatla bildirib: "Əvvəllər idman zalında qadınlar yanıma gəlib nömrələrini verirdilər. Amma indi yaxınlaşıb deyirlər: 'Bu mənim nömrəmdir - Patrikə verərsən'".

Məlumata görə Arnoldun 31 yaşlı oğlu Patrik hazırda "Ağ Lotus" ("The White Lotus") serialının yeni mövsümündə rol alır və bu roldan sonra qadınların diqqəti tamamilə ona yönəlib.

Arnold deyib ki, Patrik əvvəllər yalnız "Terminatorun oğlu" kimi tanınmasından narahat idi: "Tez-tez deyirdi ki, verdiyi müsahibələrdə sualların əksəriyyəti mənim haqqımda olurdu. Amma indi vəziyyət dəyişib. Hətta bir jurnalist mənə yaxınlaşıb soruşdu: 'Patrik Şvartseneggerin atası olmaq necə hissdir?'"

Şvartsenegger fəxrlə əlavə edib: "Əgər oğlumun məni keçdiyini bilərək ölsəm, xoşbəxt olaram".

Qeyd edək ki, Patrik Arnoldun keçmiş həyat yoldaşı Mariya Şrayverdən olan dörd övladından biridir. O, yaxın vaxtlarda Al Paçino ilə birlikdə çəkildiyi "Billy Knight" filmində tamaşaçıların qarşısına çıxacaq. Arnold isə Netflix platformasında yayımlanan "FUBAR" serialının ikinci mövsümü ilə ekranlara qayıdıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.