Şou-biznes

Tanınmış aktyor aeroportda saxlanıldı - FOTO

9 İyun 2025 09:55

Baxış: 1 181

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #DÜNYADA #MARAQLI #AKTYOR

Məşhur aktyor Benisio Del Toro Boston hava limanında saxlanılıb.

Milli.Az xəbər verir ki, bu hadisədən aktyor "The Tonight Show with Seth Meyers" verilişində danışıb.

Del Toronun başına gələnlərə səbəb onun yazdığı "Finikiya sxemi" adlı casus komediyasının ssenarisi olub.

"O gün Bostondan Los-Ancelesə uçurdum. Notbukumu əl yükündən çıxarmağı unutmuşdum. Təhlükəsizlik xidməti çantamı yoxlamaq qərarına gəldi və içərisində ssenarinin bir nüsxəsini tapdılar. Mətni oxumaq rahat olsun deyə bütün başlıqları BÖYÜK HƏRFLƏRLƏ yazmışdım. Bu isə diqqət çəkdi - Birinci səhnə: Təyyarə kabini. Bomba. İkinci: Göyərtə. Pilot atılır. Üçüncü: Qəza", - deyə Oskar laureatı xatırlayıb.

Aktyor dərhal bunun sadəcə film üçün yazılmış bir ssenari olduğunu izah etməyə çalışıb.

Daha sonra o, məmur tərəfindən buraxıldığını bildirib:

"Yəqin məni 'Sicario' və ya 'Traffic' filmlərindən tanıdı - ssenarini vərəqlədi və nəticədə məni buraxdılar", - Del Toro əlavə edib.

58 yaşlı aktyor bu insidentə görə narahat olmadığını bildirib. Əksinə, o, hava limanı əməkdaşlarının diqqətinə heyran qaldığını vurğulayıb. Sözügedən film isə mayın 30-da bütün dünyada nümayiş olunub. Ekran əsəri Avropanın ən varlı şəxslərindən birinin çətin münasibətlərindən bəhs edir və hekayə təyyarə qəzası ilə başlayır.

Milli.Az