Şou-biznes

Röyadan Ayaz Salayevə sərt cavab! - yenilənib - VİDEO

24 May 2025 18:53

Baxış: 3 281

VTB-də minimal faiz dərəcəsi ilə nağd kredit 9.9%-dən

#VİDEO #XALQ ARTİSTİ

18:53

Xalq artisti Röya Ayxan onun Kann Film Festivalındakı iştirakı ilə bağlı qalmaqallı fikirlər səsləndirən Əməkdar incəsənət xadimi Ayaz Salayevə cavab verib.

Milli.Az xəbər verir ki, estrada ulduzu inataqramda paylaşdığı videoda bu sözləri deyib:

"Deyirlər, rəhmətliklər diriliblər. Enerjiyə gəlmisiniz, elə bilirsiniz, gəlib mənə çatmır? Ayaz Salayev, sizdən başlayıram! Məni görəndə salamlaşırsınız. Özünüzə gəlin. Mən ölənləri diriltməyə öyrəşmişəm, amma siz elə ölü qalın. Bəli birinci mənəm, hər şeyin ən gözəlini, ən layiqincə edəni mənəm. Çünki oxuduğum kimi ürəyim var. "Hadi" oradan!".

------------
07:07

"Kann Film Festivalında Röya Ayxanın çıxdığı qırmızı xalının üstündən hər axşam min adam keçir".

Milli.Az xəbər verir ki, bu fikirləri qaynarinfo.аz-a açıqlamasında kinorejissor, kinoşünas və senarist, "Azərbaycanfilm" kinostudiyasının baş redaktoru Ayaz Salayev bildirib.

"Kim istəsə, qeydiyyatdan keçib, viza alaraq festivala gedə bilər. Çətin bir şey deyil. Mən ora yüz dəfə getmişəm, amma heç ağlıma da gəlməzdi ki, həmin yerdən keçərkən bunu çəkib sosial şəbəkələrdə paylaşım. Bizdə ictimai savadsızlıq çox yayılıb. Bundan əlavə, ictimai şüur da geridə qalıb".

Röya Ayxanın "Azərbaycan musiqisinin mədəniyyət səfiri" mükafatı ilə təltif olunmasına gəlincə, Ayaz Salayev bildirib ki, bu mükafatın Kann Film Festivalı ilə heç bir əlaqəsi yoxdur.

Qeyd edək ki, xalq artisti Röya Ayxan Kann Film Festivalına qatılıb. Qırmızı xalçaya çıxan estrada ifaçısı "I Success Top 100 Awards Gala" tədbirində iştirak edib və burada "Azərbaycan musiqisinin mədəniyyət səfiri" mükafatı ilə təltif olunub.

Milli.Az

Milli.Az - Xəbər Portalı

Röyadan Ayaz Salayevə sərt cavab! - yenilənib - VİDEO

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?