Şou-biznes

Serial heyyətinin avtobusu aşdı - aktyorun qabırğaları sındı, vəziyyəti ağırdır - FOTOlar

20 Aprel 2025 12:23

Baxış: 2 101

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #SERİALLAR #TÜRKİYƏ #YOL QƏZASI #YOL-NƏQLİYYAT HADİSƏSİ

"Gönül Dağı" serialında Taner obrazını canlandıran məşhur aktyor Berk Atan aprelin 19-da ağır qəza keçirib.

Milli.Az yerli mediaya istinadən xəbər verir ki, İstanbuldan Eskişehirin Sivrihisar bölgəsinə yola düşən serial heyətinə məxsus mikroavtobus Sazak kəndi yaxınlığında idarəetmədən çıxaraq aşıb və bir neçə dəfə çevrilib.

Qəza nəticəsində Berk Atan və onunla birlikdə olan Aybike Sağlam Taşkın xəsarət alıblar. Aktyorun qabırğalarında qırıq, Taşkının isə onurğa sümüyündə sınıq müəyyən edilib. Hər iki yaralı dərhal Eskişehir Şəhər Xəstəxanasına çatdırılıb.

Berk Atanın vəziyyəti ağır oldu üçün reanimasiya (intensiv terapiya) şöbəsinə yerləşdirilib. Aybike Sağlam Taşkının isə beyin cərrahiyyəsi bölməsində müalicəsi davam etdirilir.

Qəzanın baş verdiyi nəqliyyat vasitəsinin sürücüsü polis tərəfindən saxlanılıb. Hadisə zamanı avtomobildə Berk Atanın sevgilisi olduğu iddia edilən Sude Zülal Gülerin də olduğu bildirilsə də, onun xəsarət alıb-almadığı ilə bağlı məlumat verilməyib.

Qəzanın ardından ilk görüntülər də yayımlanıb. Kadrlarda çevrilmiş nəqliyyat vasitəsinin ağır deformasiyaya uğradığı müşahidə olunur.

Qeyd edək ki, hadisə Berk Atanın pərəstişkarları arasında böyük narahatlıq doğurub, sosial mediada aktyora keçmiş olsun mesajları paylaşılır.

Xəyal Abdullayev
Milli.Az