Şou-biznes

“Aynişanın bir səhvi də yoxdur” – Aybəniz Haşımova

16 Aprel 2025 07:32
Baxış: 1 752
VTB-də minimal faiz dərəcəsi ilə nağd kredit 9.9%-dən
#ƏMƏKDAR ARTİST

Əməkdar artist Aybəniz Haşımova qızı Aynişan Quliyeva ilə bağlı açıqlamalar verib.

Milli.Az xəbər verir ki, bu barədə sənətçi "Pərvizə görə"də danışıb:

"Deyirəm, dünyaya bir də gəlsəm, Aynişan kimi gəlim. Elə bil Allah onu proqram əsasında dünyaya gətirib. O insanın bir səhvi yoxdur. Nə deyirsə, hamısı düzdür. Mən də şir bürcüyəm, hərdən özümü göstərmək istəyirəm, deyirəm, mən də düşünə bilirəm. Sonra görürəm ki, Ayni düz deyirmiş.

Mənim həm dostum, həm qızım, həm oğlum, hər şeyim, nəfəsimdir. Həmişə ona deyirəm ki, sən mənim nəfəsimsən, insan nəfəsi bitəndə tükənir. Nəfəsim heç vaxt tükənməsin. Aynişanın timsalında bütün övladların arzularına çatdığını görək. Bəzən səhv arzular da edirik. Həmişə dua edəndə deyirəm ki, gözəl arzuların həyata keçsin.

Aynişanla keçirdiyim anlar həyatımın bütün gözəlliyini ifadə edir. Onsuz keçən günüm gün deyil.

Onsuz keçən gündə yaşamıram. Aynişan yanımda olanda, onu hər görəndə elə bilirəm ki, ömrümə ömür calanır. Elə bilirəm bir yox, saysız dünya yaşayıram... Onsuz olduğum hər an. Təki xoşbəxt olsun.

Dünyanın harasında yaşayırsansa, təki sağlam və xoşbəxt ol. Mənim bəsimdir, mən dözərəm, tək sən yaxşı ol, həyatın yaxşı olsun. Aynişan dünyaya gələnə qədər həyatı başa düşmürdüm.

O, doğulandan sonra anladım ki, həyatın mənası nə və kim imiş. Elə bir arzum var ki, reallaşmağını gözləyirəm. Qoyun, deməyim, çünki hərdən özümün özümə gözüm dəyir. Gözdən qorxun. İnsan sevdiklərini də gözə gətirə bilir". 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.