Şou-biznes

"Bunu etsəm, cinayətkara çevrilərəm"

13 Aprel 2025 06:06
Baxış: 974
VTB-də minimal faiz dərəcəsi ilə nağd kredit 9.9%-dən
#AKTYOR

"Dünən çox tanınmış rejissor, hansı ki, uşaqlığımdan onun filmlərində çəkilməyi arzulamışam, filmində rol almağım üçün mənə zəng vurdu. İnanıram ki, bu ekran işi "Oskar"a layiq olacaq. Orada mənə rol ayırmışdı. Amma imtina etdim".

Milli.Az xəbər verir ki, bu sözləri Əməkdar artist Bəhram Bağırzadə "Üzləşmə" verilişində deyib. O, niyə son illər ekran işlərinə çəkilmədiyinə aydınlıq gətirib:

"Çünki yalan danışmaq istəmirəm. Heç vaxt yalan danışmıram, dələduzluq etmirəm. Həmişə bir işlə məşğul olanda canımı qoymuşam. İstər karikatura çəkəndə, istər rol oynayanda, istərsə də KVN-də olanda. Ola bilər bəzən zəif olub. Həmişə hər şey mükəmməl ola bilməz. Bu gün hiss edirəm ki, əvvəlki Bəhramda o güc yoxdur. Durub elə bir rejissorun filmində rol alıb onu korlamağa ixtiyarım yoxdur. Bunu etsəm, cinayətkara çevrilərəm. KVN-də olanda da kuboku gətirdik. Amma indi yalandan nə edim. Əgər indi o mesajı verə bilmir, kinoda gözlərim yanmırsa, filmdə çəkilməyimin mənası yoxdur. Emil Quliyev dəfələrlə filmlərinə çağırıb, getmirəm. Niyəsini soruşur. Cavab verirəm ki, sənin filminin ana xətti var, onu korlamaq istəmirəm. Çünki baxıram, orada elə aktyorlar var ki, onlar kimi oynaya bilməyəcəyəm. Hansılar ki, indi trenddədirlər. Mən isə 25 il əvvəl onların yerində idim. Super aktyorlarımız var. Bədbəxtçilikləri odur ki, onlar bunu bilmirlər. Bir balaca ingilis dili bilsəydilər, indi Hollivudda yer tutardılar. Bizim məmləkətin insanları çox istedadlıdırlar. Bu gün oxudum ki, Almaniyada 500 həkimimiz rəsmi işləyir. Nə oldu, burada işləyə bilmədi, getdi orada işlədilər?". (Axşam.az)

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.