Şou-biznes

Məhkəməni udsa da, "Space TV"də qalmaq istəmədi - FOTO

6 Aprel 2025 10:32

Baxış: 2 467

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

Aparıcı Zamirə Dadaşova "Space TV"dən çıxıb.

Milli.Az axşam.az-a istinadla xəbər verir ki, aparıcı öz ərizəsi ilə işdən çıxdığını deyib.

O bildirib ki, məhkəmədə qalib gəlib, kanaldakı işinə qayıtsa da, orada qalmaq istəməyib:

"Mənə görə şad xəbərdir. Dünən "Space TV"yə getmişdim. Yazığım gəldi ki, iki ildir mənə maaş ödəyirlər və mən ərizəmi yazıb çıxmasam məhkəmə qərarından sonra işdən çıxarda da bilmirlər. Dedim, bu qədər cəza bəsdir. Həm də orada çalışan insanların haqqına girmək istəmirəm. Ərizəmi yazdım, böyük məbləği götürdüm (13 ay maaş, 2 ay təzminat, 2 il məzuniyyət), yaxşı insanlarla sağollaşdım, pisləri Allaha həvalə etdim və 19 il çalışdığım binadan ayrıldım.

Nə qədər qürurlu, güclü, ədalətli olduğuma bir daha şahid oldum. Hətta məni tanımayan insanların da mənə necə hörmət etdiklərini, qarşı tərəfə olan münasibətlərini də gördüm. Əzilmədən, sınmadan, ədalətsiz və savadsız insanlara yerlərini göstərərək həyatımın gözəl bir səhifəsini də geridə qoydum. Özümlə, gücümlə, ağlımla qürur duyuram".

Qeyd edək ki, Zamirə sözügedən kanalda heç bir xəbərdarlıq edilmədən işdən çıxarıldığını, daha sonra isə əmək kitabçasının ona verilmədiyini bildirmişdi.

Zamirə Dadaşova "Space TV"nin rəhbəri Vado Korovi məhkəməyə vermişdi. Aparıcı daha sonra məhkəmədə qalib gəldiyini açıqlamışdı.

"Məhkəmənin qərarı ilə Space MMC də işə bərpa olunmalı, işə bərpa olunan günə qədər bütün əməkhaqqım ödənilməli və vəkilə ödədiyim rüsumu da cavabdeh ödəməlidir. Sənədlərdə o qədər yanlışlıqlara yol veriblər ki, gördükcə şoka düşürəm" deyə, Zamirə qeyd etmişdi.

Milli.Az