Şou-biznes

Rejissoru məhkəməyə verdi - FOTO

31 Mart 2025 00:33

Baxış: 2 443

VTB-də minimal faiz dərəcəsi ilə nağd kredit 9.9%-dən

#SERİALLAR #İDMANÇI

"Hayatla Barış" filminin qəhrəmanı Barış Telli haqqını ala bilmədiyi üçün məhkəməyə müraciət edib.

2024-cü ilin ən çox diqqət çəkən filmlərindən biri olan "Hayatla Barış", Türkiyə Milli Ampute Komandasının futbolçusu Barış Tellinin həyatını əks etdirən ilhamverici bir bioqrafiya filmidir. Baş rolda Taner Ölmezin yer aldığı bu film 23 fevral 2024-cü ildə nümayiş etdirilib və tamaşaçıları dərindən təsir ləndirib.

Barış Telli uşaqlıqda keçirdiyi bir qəza nəticəsində sağ ayağını itirsə də, bunu öz həyatı üçün maneə olaraq görməyib. O, tennisdən atletikaya qədər bir çox idman növündə Türkiyə rekordlarını qırıb və böyük uğurlar əldə edib. Ampute Futbol Milli Komandasının ən dəyərli oyunçularından biri olan Telli, qazandığı çempionluqlar ilə "Ampute Messi" ləqəbini qazanıb.

Filmin nümayişindən sonra Barış Telli yenidən gündəmə gəlib. Barış Telli, "Hayatla Barış" filmindən gəlir payını ala bilmədiyini iddia edərək məhkəməyə müraciət edib.

Milli futbolçu, filmin televiziya və rəqəmsal platformalara satılması zamanı müqavilədəki bir maddənin pozulduğunu bildirərək, filmin prodüseri Hünkar Doğana qarşı 100 min TL dəyərində mənəvi təzminat iddiası ilə çıxış edib.

Məlumata görə, bu məhkəmə işi yaxın günlərdə baxılacaq.

Lalə Qüdrətova
Milli.Az