Şou-biznes

Meqan Foksun dördüncü övladı oldu - FOTO

28 Mart 2025 16:18

Baxış: 1 001

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

Dünyaca məşhur aktrisa və model Meqan Foks dördüncü dəfə ana olub.

Milli.Az olay.az-a istinadən xəbər verir ki, 38 yaşlı sənətçi qız övladı dünyaya gətirib.

Uşağın atası Colson Baker (Machine Gun Kelly) instaqram səhifəsində çəkdiyi yeni doğulmuş körpənin əllərinin videosunu yerləşdirərək məlumat verib.

"O, nəhayət buradadır! Bizim kiçik səmavi toxumumuz", - deyə Baker bildirib.

Xatırladaq ki, Meqan Foksun hamiləliyi ötən ilin noyabrında məlum olub. Meqan bu xəbəri sosial şəbəkədə paylaşaraq, müsbət hamiləlik testinin şəklini və nəzərəçarpacaq dərəcədə yuvarlaqlaşmış qarnının şəklini paylaşıb.

Foks 2022-ci ildə hamiləlik zamanı uşağını düşürüb. Aktrisa bu itkidən sonra bir il depressiya yaşayıb.

Meqan Foks və Kolson Beyker 2020-ci ildə aktrisanın keçmiş əri Brayan Ostin Qrindən boşandığı zamanı rol aldıqları "Taxıl tarlasında gecə yarısı" filmin çəkiliş meydançasında tanış olublar. Bir il sonra cütlüyün nişanlandığı məlum olub. Daha sonra ikili arasında tez-tez küsüb, barışmalar yaşanıb.

Qeyd edək ki, Meqan Foksun əvvəlki evliliyindən artıq üç oğlu var: 12 yaşlı Nuh, 10 yaşlı Bodhi və səkkiz yaşlı Corni. 34 yaşlı Beykerin keçmiş həyat yoldaşı Emma Kannondan 16 yaşlı Keysi adlı qızı da var.

Milli.Az