Şou-biznes

"Elzaya deməliydim ki, şlyapana görə səni qəbul etmirəm?"

23 Mart 2025 13:03
Baxış: 1 442
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MARAQLI #MƏŞHURLAR #MÜĞƏNNİ #ƏMƏKDAR ARTİST

"Elza Seyidcahana deməli idim ki, şlyapan xoşuma gəlmir deyə səni İttifaqa qəbul etmirəm?"

Milli.Az xəbər verir ki, bu sözləri Bəstəkarlar İttifaqının sədri Firəngiz Əlizadə APA-ya müsahibəsində deyib:

- Yazıçılar Birliyindən söz düşmüşkən, yadıma hər iki birliyin üzvü olan Elza Seyidcahan düşdü. Sizcə Elza bəstəkardır, yoxsa şair?

- Elzanın bizə üzvlük üçün müraciəti bayaq qeyd etdiyim nizamnaməmizin şərtlərinə uyğun gəlirdi. Hətta mən ondan "Konservatoriyanı bitirdikdən sonra müstəqil olaraq əsər yazmısan?" soruşanda, o məni Filarmoniyada keçiriləcək müəllif konsertinə dəvət etdi. Mən də konsertə gedib onun əsərlərinə qulaq asdım. Sonra onu üzvlüyə qəbul etdik. Elzaya nə deməli idim? Sənin şlyapan mənim xoşuma gəlmir. Ona görə səni qəbul etmirəm?

- Elza Seyidcahan bəstəkar kimi necədir?

- Mən Bəstəkarlar İttifaqının üzvlərinin tədbirlərinə gedirəm, əsərlərini dinləyirəm. Bu mənim vəzifə borcumdur. Hətta bəzən söz də deyirəm. Amma bu o demək deyil ki, həmin bəstəkarın əsərlərini şəxsən sevirəm. Mənim vəzifəm hamıya eyni gözlə baxmaqdır. Elza Seyidcahanı insan olaraq çox sevirəm. İnsanlar da Elzanı sevir. Nə deyək? Deyək sevməyin? Hələ ki, sevdiyimiz şeylər arasında bağlar qırılmayıb. Qırılanda çox pis olur. /Lent.az 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.