Şou-biznes

İlin ən çox qazanan ulduzları

4 Mart 2025 02:02
Baxış: 1 354
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #HOLLYWOOD #PUL

Amerikanın biznes nəşri "Forbes" Hollivud aktyor və aktrisalarının illik reytinqini təqdim edib.

Milli.Az xəbər verir ki, reytinq cədvəlində onların illik qazancı qeyd edilib. 

"Forbes"in siyahısında birinci yerdə Dueyn Conson dayanıb. Bildirilib ki, Hollivud ulduzu 1 il içində 88 milyon dollar qazanıb. Onun gəlirinin böyük hissəsi "Missiya: Qırmızı" filmindən və prodüseri olduğu, eyni zamanda əsas obrazı canlandırdığı "Moana 2" cizgi-filmindən olub.

Reytinqin ikinci və üçüncü pillələrində Rayan Reynolds (ilin sonunda yaranan qalmaqal 85 milyon dollar varlanmağa mane olmayıb) və Kevin Hart (81 milyon) qərarlaşıb. Siyahıda sonrakı yerləri komediya aktyoru Cerri Seynfeld (60 milyon dollar) və boşanmış Hyu Cekman (50 milyon dollar) tutub.

Lakin Bred Pitt və Corc Kluni "Yalnız Qurdlar" filmi ilə daha az qazanıblar. Onlar müvaffiq olaraq 32 və 31 milyon dollar qazanaraq reytinqdə 6-cı və 7-ci yerləri tutublar. Ən çox qazanan ilk iyirmilikdə daha da aşağı olanlar Çanninq Tatum, Cason Statham, Matt Damon və Coaquin Foeniksdir.

Aktrisalara gəldikdə isə, 8-ci yerdə "Pis qız"ın ulduzu Nikol Kidman (31 milyon dollar) dayanıb.

Ondan başqa, ən çox qazanan iyirmiliyə yalnız iki aktrisa daxil olub: "Qanun və Nizamnamə"nin ulduzu Mariska Harqitay (25 milyon dollar) və "Marvel"in ulduzu Skarlett Yohansson (21 milyon dollar)./axşam.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.