Şou-biznes

Azər Axşam: “Ona dedim ki, bunu etsən, rollarını itirəcəksən”

17 Fevral 2025 08:59

Baxış: 1 987

VTB-də minimal faiz dərəcəsi ilə nağd kredit 9.9%-dən

#AKTRİSA #AKTYOR

Əməkdar artist Azər Axşam mərhum həmkarı Tünzalə Əliyeva ilə bağlı xatirələrindən söz açıb.

Milli.Az xəbər verir ki, bu barədə o, "Retro Baku" proqramında danışıb.

Aktyor deyib ki, "Toppuş bacı" mədəkiçiltmə əməliyyatı etdirmək istədiyini deyəndə onu fikrindən daşındırmağa çalışıb:

"Əməliyyata getmək istədiyini deyəndə söylədim ki, nəyinə lazımdır? Sən belə sevilirsən, belə şirinsən. Dedim, bu, nədir hamı qarşısına məqsəd qoyub ki, arıqlamaq lazımdır. Arıq olmaq, yaxşı olmaq demək deyil. Dedim, lazım deyil, arıqlama. Qayıtdı ki, çox kökəm. Məsləhət verdim ki, pəhriz saxla, idman et, əməliyyat olunacaqsan, sonra yenə kökəlmə ehtimalın var. Bir ara pəhriz saxladı, çox arıqladı. Dedim, pəhriz ac qalmaq deyil, bunu normal dietoloqla edə bilərsən. Sonra ağlına qoydu ki, arıqlamalıdır. Dedim, sən bunu etsən, rollarını itirəcəksən. Çünki sən Toppuş bacı kimi rollar alırsan, o xarakter itəcək". (Bizim.Media)

Milli.Az