Şou-biznes

İnsult keçirən Nazimin səhhəti ilə bağlı AÇIQLAMA

31 Yanvar 2025 23:34

Baxış: 4 867

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MÜĞƏNNİ

23:34

Xəbər verildiyi kimi, müğənni Nazim Pişiyari (Faytonçu) işemik insult keçirib.

Sənətçinin dostu, aparıcı Kamran Həsənli Axşam.az-a açıqlamasında onun səhhətindən danışıb:

"Dünən mağazadan çıxanda halı pisləşib yıxılıb. Hazırda reanimasiyadadır, vəziyyəti ağırdır. Xəstəxanada idim, hamı gözləyir".

K.Həsənli N.Pişiyarinin bir müddət əvvəl əməliyyat olunduğunu deyib:

"Nazim böyrəyindən əməliyyat olunmuşdu. Uğurlu keçmişdi, vəziyyəti yaxşı idi. İki gün əvvəl görüşmüşdük, hər şey qaydasında idi".

-----------
14:08

Faytonçu Nazimə ilkin olaraq işemik insult diaqnozu qoyulub.

Bu barədə Trend-in sorğusuna cavab olaraq TƏBİB-dən bildirilib ki, Respublika Təcili və Təxirəsalınmaz Tibbi Yardım Mərkəzinə 30.01.2025-ci il tarixində saat 22:22-də Nəsimi rayonu, H.Əliyev prospekti ərazisindən yıxılma səbəbilə çağırış daxil olub.

Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən müğənni Pişyari (Faytonçu) Nazim qapalı kəllə-beyin travması ilə Kliniki Tibbi Mərkəzə təxliyə olunub.

30 yanvar 2025-ci il saat 23:56 radələrində 1968-ci il təvəllüdlü şəxs (kişi cinsli) Kliniki Tibbi Mərkəzin Təcili və Təxirəsalınmaz Tibbi Yardım şöbəsinə qəbul edilib. Xəstəyə neyrocərrah baxışı olub, zəruri müayinələrdən keçirilib.

"Xəstə müayinələrdən sonra işemik insult diaqnozu ilə özəl müəssisələrdən birinə hospitalizasiya olunub",- deyə məlumatda qeyd edilib.

12:28

Müğənni Nazim Pişiyari (Faytonçu) xəstəxanaya yerləşdirilib.

Milli.Az axşam.az-a istinadən xəbər verir ki, sənətçi işemik insult keçirib.

Küçədə yıxılan Nazim qapalı kəllə-beyin travması da alıb.

O, hazırda özəl xəstəxanaların birində müalicə alır.

Milli.Az