Şou-biznes

Nəhayət ki, boşandılar - FOTO

31 Dekabr 2024 12:30

Baxış: 1 037

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MƏHKƏMƏ #MƏŞHURLAR #HOLLYWOOD #AİLƏ #AKTRİSA #AKTYOR

Aktyorlar Bred Pitt və Ancelina Coli səkkizillik məhkəmə çəkişmələrindən sonra boşanma prosesinin başa çatması şərtləri barədə razılığa gələ biliblər.

Milli.Az oxu.az-a istinadən xəbər verir ki, boşanma sənədləri keçmiş ər-arvad tərəfindən dekabrın 30-da imzalanıb.

"Ancelina yorğundur, amma bu prosesin başa çatmasından rahatlanıb", - deyə nəşr Colinin vəkili Ceyms Saymonun sözlərini sitat gətirib.

Qeyd olunub ki, əldə edilmiş razılaşmanı məhkəmə təsdiq etməlidir, aktyorlar arasındakı sövdələşmənin detalları hələlik açıqlanmır.

Xatırladaq ki, Bred Pitt və Ancelina Coli bir neçə illik münasibətdən sonra 2014-cü ildə Fransada evləniblər, lakin 2016-cı ildə aktrisa boşanma ərizəsi verib. Onların nikahı 2019-cu ildə rəsmi olaraq ləğv edilsə də, cütlük bu günə qədər əmlakın bölüşdürülməsi və üçü övladlığa götürülmüş ümumilikdə altı uşağın qəyyumluğu şərtləri barədə razılığa gələ bilməyib. Mübahisəli aktivlərdən biri cütlüyün hələ 2008-ci ildə aldığı Provans bölgəsindəki "Şato Miraval" üzüm bağı idi. Sonradan tərəflər bir-birini bu aktivlə bağlı razılaşmaları pozmaqda günahlandırırdılar.

Milli.Az