Şou-biznes

"Samir yeganə müğənnilərdən idi ki, kanal ona pul verirdi"

7 Dekabr 2024 09:43
Baxış: 1 637
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MARAQLI #MÜĞƏNNİ #TV

"Müğənnilər maqazin verilişinə çıxmaq üçün bizə zəng edirdilər və az qala qapımızda yatırdılar. Amma Samirin heç zaman ürəyi efir üçün getməyib" .

Milli.Az xəbər verir ki, bu barədə müğənninin xanımı "Youtube"da yayımlanan "Astar" verlişində danışıb.

O, bildirib ki,  Samir həmkarlarından fərqli olaraq efirə çıxmaq üçün heç zaman pul xərcləməyib.

"Mən ATV-də jurnalist işlədiyim vaxtlar bu kişini (həyat yoldaşı Samir Piriyevi nəzərdə tutur ) müsahibəyə toyların əlindən çağıra bilmirdim. Deyirdi ki, toydayam, müsahibə verməyə vaxtım yoxdur. Samir hər gün efirdə olurdu. Maqazin formatında olan verilişi Samir ciddiyə almırdı. Mən televiziyada jurnalist işlədiyim dövrlərdə müğənnilərin çoxu efirə pul verib çıxırdı. Çünki o zamanlar belə idi. Samir bəlkə də yeganə müğənnilərdən idi ki, kanal ona pul verirdi. O isə yox... Müğənnilər maqazin verilişinə çıxmaq üçün bizə zəng edirdilər və az qala qapımızda yatırdılar. Amma Samirin heç zaman ürəyi efir üçün getməyib. Samir efir üçün "yanan" müğənnilərdən olmayıb", - deyə A. Piriyeva vurğulayıb.

Samir Piriyev müdaxilə edərək illər əvvəl çalışdığı "Azad Azərbaycan" (ATV) televiziyasından yüksək maaş aldığını açıqlayıb:

"ATV kanalında Xalq artisti Aygün Kazımovanın "Xeyir ola?" verilişini birgə aparırdım. Hər ay 5000 manat maaş alırdım.O zaman bu qədər maaşı hər adam almırdı. Mən o vaxtı toya elə 5000 manata gedirdim. ATV-də hər ay bir toyun pulunu alırdım. Hər gün də efirdə idim".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.