Şou-biznes

Məşhur aktrisa bu ölkənin prezidentinin oğlu ilə səmimi halda görüntüləndi - FOTO

22 Noyabr 2024 15:13

Baxış: 20 046

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #SOSİAL ŞƏBƏKƏLƏR

Tanınmış aktrisa Ana de Armas Kuba prezidentinin oğlu ilə eşq yaşayır.

Milli.Az nypost-a istinadla xəbər verir ki, aktrisa Ana de Armas keçən həftə Madriddə Kubanın Prezidenti Migel Dias-Kanelin ögey oğlu Manuel Anido Cuesta ilə birlikdə görüntülənib. Cütlük romantik anlarla dolu bir axşam yeməyindən sonra gəzinti zamanı səmimi anlar yaşayıb, Cuesta aktrisanı öpərkən obyektivlərə tuş gəlib.

36 yaşlı Ana de Armas bu görüş zamanı ağ yun palto, tünd cins şalvar və qara çəkmələr geyinib. Hələ ki, onların necə tanış olduğu bilinmir. Lakin "Latın Times" nəşrinin məlumatına görə, kubalı influenser artıq may ayında onların münasibətdə olduğunu iddia etmişdi.

Ana de Armasın şəxsi həyatı uzun müddətdir diqqət mərkəzindədir. Aktrisa əvvəllər məşhur aktyor Ben Affleck ilə münasibət yaşamışdı. Cütlük 2019-cu ildə "Dərin Sular" filminin çəkiliş meydanında tanış olmuşdu. Pandemiya dövründə hər addımı paparassilər tərəfindən izlənən bu münasibət 2020-ci ildə sona çatmışdı.

2021-ci ilin iyun ayında Ana Tinder şirkətinin rəhbərlərindən biri olan Paul Boukadakis ilə münasibətə başlamışdı. Onların dostları vasitəsilə tanış olduğu və qısa müddətdə bir-birlərinə bağlandıqları bildirilirdi. Cütlüyün ayrılıq tarixi barədə heç bir məlumat yoxdur. Onlar sonuncu dəfə 2023-cü ilin aprel ayında birgə görüntülənib.

Qeyd edək ki, əslən kubalı olan Ana de Armas 30 Aprel 1988-ci ildə anadan olub. O, ilk olaraq İspaniyada aktrisalıq karyerasına başladığı "El Internado" serialında tanınıb. Daha sonra Hollywood-a keçərək "Knives Out", "Blade Runner 2049" və "Blonde" kimi filmlərdə uğurlu çıxışlar edib.

İsmayıl
Milli.Az