Gənc yaşlarında milyon qazanan məşhurlar - Sərvətləri dodaq uçuqlatdı - FOTO

İngiltərə və İrlandiyanın 30 və daha aşağı yaşda olan ən varlı məşhurları müəyyənləşib. 

Milli.Az xəbər verir ki, siyahının ilk beşliyinə Harry Styles, Tom Holland və Dua Lipa kimi məşhur adlar daxildir. Məlumata görə, ildə 1 milyon funt-sterlinqdən çox qazanan 30 yaş və altı ingilislərin sayının rekord səviyyəyə çataraq 830-a çatıb.

Ən zəngin 30 və ondan aşağı yaşda olan olan bəzi tanınmış məşhurları təqdim edirik:

28 yaşlı Emma Makki məşhur Netflix serialı "Sex Education"dakı rolu ilə tanınır. 3,3 milyon funt-sterlinq sərvəti ilə Makki 27-ci yerdədir.

2024 BRIT Awards-da 6 fərqli kateqoriyada mükafat alaraq rekord qıran Raye "Prada" mahnısı ilə sosial mediada populyarlığını artırıb. Mahnı yazaraq sərvət qazanan Raye ümumi 5,2 milyon funt sterlinq sərvəti ilə 19-cu yerdədir.

Çıxdığı vaxt izlənmə rekordları qıran "Oppenheimer" filmində rol alan Florens Pyu Dune: "Desert Planet Part Two" kimi yüksək gəlirli filmlərdə rol alıb. 2023-cü ildən sərvətini iki dəfə artıran aktyor 5,9 milyon funt-sterlinq sərvəti ilə 18-ci yerdə qərarlaşıb.

"Game of Thrones" serialındakı Sansa Stark rolu ilə şöhrət qazanan Sofi Törner 18,5 milyon funt-sterlinq sərvəti ilə reytinqdə 6-cı yerdədir. 

Gənc yaşda "Stranger Things" serialında baş rolu oynayan Millie Bobby Brown hazırda 20 yaşındadır və 22 milyon funt sterlinq sərvətlə siyahıda 5-ci yerdədir.

Siyahıda 4-cü yeri 30,4 milyon funt-sterlinq sərvəti ilə 28 yaşlı müğənni Lyuis Kapaldi tutur. Məşhur müğənni bu yaxınlarda öz futbol komandasını qurmağı planlaşdırdığını da açıqlayıb.

Hörümçək-adam obrazını canlandıran məşhur aktyor Tom Holland indiyədək Marvelin 6 filmində çəkilib.  Hollandın Londonda 2,5 milyon funt sterlinq dəyərində malikanəsi və 500 min funt sterlinq dəyərində bir Rolls-Royce avtomobili olduğu məlumdur. 28 yaşlı məşhur aktyor siyahıda 3-cü yerdədir və 30,6 milyon funt-sterlinq sərvətə malikdir.

29 yaşlı məşhur müğənni Dua Lipa 104 milyon funt-sterlinq sərvəti ilə siyahının 2-ci pilləsində qərarlaşıb.

İngiltərə və İrlandiyada yaşı 30-dan aşağı olan 30 məşhurun ​​siyahısında birinci yeri məşhur müğənni Harri Stayls tutur. 30 yaşlı müğənninin son 14 illik karyerasında 200 milyon funt-sterlinq sərvətinin olduğu məlum olub. 2016-cı ildə məşhur "One Direction" musiqi qrupu dağıldıqdan sonra solo müğənni olan Styles-ın albomları çıxan kimi rekordlar qırır. O, müğənniliklə yanaşı həm də aktyorluq edir və məşhur brendlərin reklamlarının simasıdır.

Nərmin
Milli.Az