Şou-biznes

Cennifer ilk dəfə boşanmasından DANIŞDI - "Mən getməliydim"

10 Oktyabr 2024 23:51

Baxış: 844

#ŞOU-BİZNES #MARAQLI #AKTRİSA

Cennifer Lopez cəmi iki illik evliliyindən sonra Ben Afflekdən boşanması və 2004-cü ildə ilk ayrıldıqdan sonra münasibətlərini düzəltmək üçün ikinci cəhdi haqqında ilk dəfə şərh verib.

Milli.Az bildirir ki, lent.az-ın xarici mediaya istinadən xəbərinə görə, "Interview" jurnalının üz qabığı üçün seksual bəbir rəngli geyimdə pozalar verən 55 yaşlı müğənni həyatının bu il gözləri önündə necə "partladığı" və hələ də öyrənməli olduğu həyat dərsləri haqqında danışıb. Benin adını çəkməməyə cəhd edib.

"Bu dəhşətli dərəcədə çətin idi", - Cennifer etiraf edib. "Tənhalıq, qorxu, kədər, ümidsizlik hissləri. Amma fikirləşəndə anlayırsan ki, "bunlar məni öldürməyəcək"... Münasibətlər məni müəyyən etmir. Mən xoşbəxtliyi başqa insanlarda axtara bilmirəm. İçimdə xoşbəxtlik olmalıdır. Əvvəllər deyirdim ki, xoşbəxt insanam, amma yenə də nəsə axtarırdım, məni tamamlaya biləcək birini".

"Bu yay, mən deməli oldum: "Mən uzaqlaşmalıyam və tək qalmalıyam. Mən bunu bacardığımı özümə sübut etmək istəyirəm", - o, peşman olmadığını təkid edib.

"Bilirəm ki, haqqımda yazılan və deyilənlərin hamısı və şəxsiyyət olaraq kim olduğuma dair bütün fərziyyələr mən deyiləm. Mən bunu çoxdan başa düşdüm", - deyən Lopez sosial şəbəkələri ciddi qəbul etmədiyini bildirib.

"Mən yaxşı insan olduğumu bilirəm. Mən yaxşı ana olduğumu bilirəm. Dostlarımın kim olduğunu bilirəm. Mən bilirəm ki, dostlarım mənim kim olduğumu bilirlər..."

Milli.Az

Xəbərlərimizi WhatsApp kanalımızdan da oxuyun