Şou-biznes

84 yaşlı Xalq artisti onu sevən oğlanla niyə evlənmədi?

2 Oktyabr 2024 07:13

Baxış: 1 951

#ŞOU-BİZNES #XALQ ARTİSTİ

1 oktyabr - Beynəlxalq Ahıllar Günündə Sosial Xidmətlər Agentliyi hazırda tənha yaşayan Xalq artisti Svetlana Həkimovanı ziyarət edib.

Gənc yaşlarından sənətə gələn Svetlana Həkimova uzun illər Hüseyn Ərəblinski adına Sumqayıt Dövlət Musiqili Dram Teatrında çalışıb.

Heç vaxt ailə qurmayan 84 yaşlı Xalq artisti Baku TV-yə açıqlamasında özünü sənətə qurban verdiyini deyib:

"Sənətə mən çoxdan bağlı olmuşam, lap gənc yaşlarımdan. Qızın da bir vaxtı var, sevib-sevilən vaxtı. Məni də kimsə sevirdi. Həmin şəxs dedi ki, iki ərizə yazırıq, birini nikah, digərini də işdən çıxmağın üçün. Amma mən "işdən çıxmayacağam" dedim. Elə də oldu, işdən çıxmadım. Ailə qurmadım, sənətə bağlandım. Özümü sənətə qurban verdim. Oynadığım rollar, yaratdığım obrazlar mənim övladlarımdır. Çünki mən onları sevə-sevə canlandırmışam".

Qeyd edək ki, Svetlana Həkimova 2013-cü ildən tənha ahıl kimi sosial xidmətə cəlb olunub.

Milli.Az
Xəbərlərimizi WhatsApp kanalımızdan da oxuyun