Şou-biznes

Uill Smit möhtəşəm səhnə performansları ilə F1 fanatlarına unudulmaz gecə yaşatdı - FOTO

14 Sentyabr 2024 11:51

Baxış: 928

VTB-də minimal faiz dərəcəsi ilə nağd kredit 9.9%-dən

#FORMULA 1

Formula 1 Azərbaycan Qran Prisi 2024-ün ilk günü unudulmaz anlarla yadda qalıb.

Milli.Az Trend-ə istinadən xəbər verir ki, avtoidman həvəskarları və musiqi sevənlər Crystal Hall-da baş tutan möhtəşəm gecənin şahidi olublar.

Hollivudun məşhur siması, aktyor və musiqiçi Uill Smit səhnəyə çıxaraq özünəməxsus enerjisi və performansı ilə fanatları coşdurub.

Onun səsləndirdiyi hitlər, xüsusən də 90-cı illərin musiqi sevərlərinə nostalji hislər yaşadıb.

Ulduzun canlı çıxışı ilə yanaşı, müasir səhnə effektlərinin yaratdığı ab-hava gecəyə xüsusi rəng qatıb.

Əyləncə Uill Smitin çıxışı ilə yekunlaşmayıb. Gecənin ikinci hissəsində elektron musiqi dünyasının ulduzu, Qremmi mükafatlı DJ Black Coffee səhnəyə çıxaraq öz fərqli üslubu ilə azarkeşləri heyran edib. Onun təqdim etdiyi enerjidolu musiqilər tamaşaçılara ritmlərlə dolu unudulmaz bir gecə bəxş edib.

Bu xüsusi gecə yarış həftəsonunun mükəmməl bir başlanğıcı olub.

Qeyd edək ki, mövsümün 17-ci yarışı olan Formula 1 Qatar Airways Azərbaycan Qran Prisi 2024-ün final yürüşü 15 sentyabrda baş tutacaq.

Milli.Az
Xəbərlərimizi WhatsApp kanalımızdan da oxuyun