10 dəfə evlənib-boşanan, qəzada bütün qabırğaları sınan 69 yaşında ölən aktrisanın HƏYAT HEKAYƏSİ

Xəbər verdiyimiz kimi, məşhur aktrisa Ahu Tuğba ötən gün vəfat edib. ABŞ-nin Mayami şəhərindəki evində ölü tapılan aktrisanın 69 yaşı var idi. Aktrisanın qəfil ölümü onun kimliyi, karyerası, şəxsi həyatı ilə bağlı məlumatları yenidən gündəmə gətirdi.

Milli.Az baku.ws-ə istinadən Ahu Tuğbanın şəxsi həyatı və karyerası ilə bağlı bəzi faktları təqdim edir:

Ahu Tuğba, türk kinosunun unudulmaz adlarından biridir. O İstanbulda varlı ailədə doğulub. Təhsil həyatına İstanbul Amerika Qız Liseyində (Robert Kolej qız liseyi) başladı. Əlaçı bir tələbə olan Tuğba, orta məktəbi bitirdikdən sonra Kanadaya getməyi və Concordia Universitetində İngilis dili kafedrasında təhsil almağı planlaşdırıb. Lakin bu təhsilini yekunlaşdırmadan Türkiyəyə qayıdıb və kino karyerasına başlayıb.

Ahu karyerasına 1974-cü ildə bir filmdə qısa rol alaraq start verib. 1970-ci illərin sonlarına doğru Türk kinosunda adını tanıtmağa başlayan Tuğba, 1980-ci illərin əvvəllərində milli miqyasda böyük bir şöhrət qazanıb. Xüsusilə seks simvolu kimi tanınan Tuğba, daha çox əxlaqsızlıq edən personajları, fahişələri və ya narkomanları canlandırdı. Bu rollar onun kinoda özünəməxsus yer almasına və dövrün populyar aktrisasına çevrilməsinə səbəb oldu.

O xeyli filmdə müxtəlif rollara çəkilib.

Bunlar arasında "Öksüzler", "Ayıkla Beni Hüsnü", "Tolga", "Akdeniz Kartalı", "Yapışık Kardeşler", "Yasak İlişki", "Suçumuz Kadın Olmak", "Haciz Kararı", "Pembe & Mavi", "Meçhule Gidenler" kimi ekran işləri var. 

Ahu Tuğba 1987-ci ildə kino karyerası ilə yanaşı, musiqi dünyasına da daxil olaraq albom buraxdı.

Onun karyerası qədər şəxsi həyatı da ölkənin gündəmində idi. 10 dəfə evlənən və boşanan Tuğba qalmaqallı evlilikləri ilə müzakirələrə səbəb olurdu. Onun ikinci evliliyi 1981-ci ildə Mustafa Ulusoy ilə baş tutub. 1991 yılında Arnavut əsili amerikalı həkim Timmi Alejtanij ilə evlənib. Onun 1993-cü ilin noyabrın 11-də Anjelik adlı qızı dünyaya gəlib.

Aktrisanın İstanbulun Osmanbey səmtində "Guantenamera" adlı gecə klubu var. 

Ahu Tuğba uzun müddət idi ki, astmadan əziyyət çəkirdi. Aktrisa yaşadığı Mayami şəhərində ağır avtomobil qəzası keçirmişdi. Bundan sonra onun qabırğalarının sındığı, hətta daimi olaraq sıyıq qəbul etdiyi bildirilib. Qəzadan sonra Ahunun vəziyyəti düzəlmək yerinə daha da ağırlaşıb. 

69 yaşlı Ahu Tuğba ötən gün qızı tərəfindən evində ölü tapılıb. Daha sonra qızı polisə məlumat verib.

Aktrisanın yaxın dostu aktyor Nuri Alçonun sosial şəbəkədə paylaşdığı məlumatlar onun vəfatı xəbərinin doğru olduğunu təsdiqləyib. 

Aktrisanın qəfil vəfatı türk kino dünyasında böyük kədər yaradıb.

Milli.Az
Xəbərlərimizi WhatsApp kanalımızdan da oxuyun