Şou-biznes

Britni Spirs müğənnini məhkəmə ilə hədələdi

29 İyul 2024 06:29

Baxış: 808

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

Müğənni Britni Spirs həmkarı Halsini yeni "Lucky" klipinə görə məhkəməyə verməklə hədələyib.

Milli.Az lent.az-a istinadən xəbər verir ki, buna səbəb ifaçının klipdə və mahnıda Britninin şəxsi və yaradıcı həyatından ilhamlanması olub.

Ekran işində ifaçının yaxınları arasında mübahisə anları, sevgilisi ilə problemli münasibəti əks olunub. Bundan əlavə, Halsey özü Britninin "Toxic" videosunda geyindiyi ikonik şəffaf paltarda görünüb. Bəzi səhnələrdə isə başı qırxılmış vəziyyətdə oturub. Bu, Spirsin psixoloji problemlərinə və onun atası Ceymi himayəsində olduğu dövrə aydın bir istinaddır. Baxmayaraq ki, Halsi özü səhhətindəki problemlərə görə bir neçə dəfə saçını qırxdırıb.

Video yayımlandıqdan qısa müddət sonra Britni sosial şəbəkədə öz qəzəbini ifadə edib. O, çox əsəbi olduğunu və Halsinin onu "ürəyi olmayan və heç nəyi vecinə almayan dayaz pop ulduzu" kimi göstərdiyi üçün təhqir edildiyini hiss etdiyini yazıb. O, həmçinin bildirib ki, ona qarşı hörmətsizlik edilib, artıq vəkillərlə mümkün məhkəmə prosesini müzakirə edib.

Milli.Az
Xəbərlərimizi WhatsApp kanalımızdan da oxuyun