"Bu, 45 ilin sənətkarına rəvadır?"

"İnanın mənə bu xəbəri görəndə nə qədər məyus oldum, onu bir Allah bilir. O boyda dahi, hörmətli sənətkarımıza bu formada, rəsmən işgəncə verirdi. Elə bil düşməndir, yerə yıxıb amansızca zərbələr endirirdi. Hələ qıraqdan baxan, biganə "insancıqlar"... Belə də Allahdan, dindən, müsəlmançılıqdan danışırıq, baxın, o videoda harada gördünüz insanlığı?"

Milli.Az axar.az-a istinadən xəbər verir ki, bunu müğənni Xatun Əliyeva Xalq artisti Ağadadaş Ağayevin dava edərkən yayılan videosuna münasibət bildirərkən yazıb.

O, sənətçiyə qarşı edilən hərəkəti qınayıb:

"3 il Ağadadaş müəllimin yanında çalışmışam. O hər zaman alicənab, yüksək mədəniyyətli, ağıllı, savadlı, insanlara ehtiyatla yanaşan, çox dəyərli, sevilən insan olub. 45 ilin sənətkarına bu rəvadır? Elə bil hamı onun məhvinə imza atıb.

Gələk indi o qafilə, amansız, vəhşi insana... Siz aşkar görmürsünüz ki, bu hərəkətləri edən biri sənətkara qanına toxunan elə söz-ifadələr işlədib ki, Ağadadaş müəllim də ağrısına, acısına, xəstəliyinə rəğmən bir kişi xeylağı olaraq aydınlaşdırmağa gəlib. Bu namərd də elə bil gücünü sınıyır, rinqə çıxıb, erməni döyür. Kişini döyməyi bəs deyil, bir də gedib "işverənlik" də edib, polisə ərizə yazır. Həm günahkar, həm güclü. 

Bütün məşhurlara səslənirəm, heç nədən baxın, belə bir hadisə baş verdi. Hər hansımıza bu hörmətsizlik oluna bilər. Ağadadaş müəllim elə-belə sənətkar deyil. Səhhətinə, xəstəliyinə, 45 illik sənətkarlığına acımıyanlar bizə nələr edərlər. Bu gün haqq səsimizi ucaltmalıyıq. Unutmayın ki, gözü dönmüş paxıl, tərbiyəsiz, gerizəkalı insan sən haqlı ikən haqsız duruma salıb bax belə ifşa edər!

Başqa millətlər itlərini övəndə, biz aslanımızı nə günə qoyduq. Ağadadaş müəllim, sizi çox sevirəm, siz mənim ən sevdiyim sənətkarsınız, dəyərlisiz, çox kədərliyəm, heç yerə-göyə sığmıram. Keçmiş olsun. Məşhurlar bir olaq, unutmayaq ki, hər yerdə kamera və namərdlər var".

Qeyd edək ki, məsələ ilə bağlı cinayət işi açılıb. Münaqişə tərəfləri - N.Cəlilov və A.Ağayev cinayət məsuliyyətinə cəlb edilib. 

Milli.Az
Xəbərlərimizi WhatsApp kanalımızdan da oxuyun