Şou-biznes

Tanınmış meyxanaçı başqa xəstəxanaya aparılarkən yolda ölüb - RƏSMİ - YENİLƏNİB

9 İyul 2024 10:41

Baxış: 7 338

VTB-də minimal faiz dərəcəsi ilə nağd kredit 9.9%-dən

#MEYXANA

10:41

05.07.2024-cü il tarixində saat 04:54-də Lənkəran şəhər sakini 1987-ci il təvəllüdlü Elnur Əskərov (Elnur Valeh) dəqiqləşdirilməmiş koma, hemorragik insult diaqnozu ilə Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub.

Bu barədə Oxu.Az-ın sorğusuna cavab olaraq TƏBİB-dən məlumat verilib.

Bildirilib ki, xəstəyə zəruri ilkin tibbi xidmətlər göstərilib, instrumental müayinələr aparılıb, xəstənin vəziyyətinə uyğun olaraq Reanimasiya şöbəsinə yerləşdirilib.

09.07.2024-cü il tarixində gecə saatlarında yaxınlarının təkidi ilə E.Əskərov Bakı şəhərində yerləşən özəl klinikalardan birinin təcili tibbi yardım avtomobili ilə təxliyə olunarkən yolda vəfat edib.

Qeyd edək ki, E.Əskərov 16 il müddətində şəkərli diabet, xroniki böyrək çatışmazlığından əziyyət çəkib, dializ müalicəsi alıb.

---------
05:12

Bir neçə gün öncə komaya düşən tanınmış meyxanaçı Elnur Valeh vəfat edib.

Millli.Az oxu.az-a istinadən xəbər verir ki, bu haqda onun yaxınları sosial şəbəkədə məlumat verib.

Qeyd edək ki, meyxanaçı 16 ildir şəkərli diabet, xroniki böyrək çatışmazlığından əziyyət çəkir, dializ müalicəsi alırdı. O bir neçə gün öncə toydan çıxarkən halı pisləşmiş və komaya düşmüşdü.

Milli.Az
Xəbərlərimizi WhatsApp kanalımızdan da oxuyun