Şou-biznes

“Yüngül yollara gedənlər çoxdur” – VİDEO

29 İyun 2024 23:38

Baxış: 1 891

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #XALQ ARTİSTİ

"Bəzən görürsən, aktyorlar deyirlər ki, maliyyə vəziyyətimiz yaxşı deyil, çalışdığımız teatr bizə yüksək maaş vermir. Lakin Cənab Prezindentin göstərişi ilə aktyorların məvacibləri müəyyən qədər artıb. Amma "yüngül yollar"a gedən sənət nümayəndələri çoxdur. Yəni "yüngül" seriallara çəkilirlər, məclislərdə cürbəcür işlərlə məşğul olurlar".

Milli.Az bizim.media-ya istinadən bildirir ki, bu sözləri Xalq artisti İlham Namiq Kamal qonaq olduğu "Xəzərin sahilində" verilişində deyib.

"Camaatın 1 ayda qazandığını 1 günə qazanırdım" - VİDEO

"Gözəllik qadına zərər gətirə bilər"

75 yaşlı sənətkar teatrlarda çalışan və hər zaman maddi vəziyyətindən gileylənən həmkarlarını tənqid edib. Aktyor bildirib ki, onlar sənət ocağında qalıb işlədikcə digər peşəkarlara mane olurlar, bu şəraiti yaradan isə teatrların rəhbərləridir:

"Əgər səni həqiqətən də, teatrda qanə etməyən məsələlər varsa, çıx get. Niyə manə olursan axı o peşəkarlara?! Bu kimi insanlar həm teatra, həm də kinoya canını fəda edən sənətkarlara mane olurlar. Lakin onlar teatrdan getmək istəmirlər. Çünki düşünürlər ki, dövlət nə zamansa onlara fəxri ad və mükafat verəcək. Elə əsl dəhşət də budur! Bəyənmirsənsə çıx get də...

Amma gedən yoxdur. Bəli, getmirlər və o adamlar üçün də teatr rəhbərliyi şərait yaradır. Şərait yaradır ki, sən teatrda ol və digər peşəkar aktyorlara mane ol. Bu kimi şeyləri mən hər zaman açıq deyirəm. Obyektiv insanam. Mən "qırmızı şamaxılıyam" bunları da açıq deməliyəm (gülür). Başqa cür mümkün deyil".

Milli.Az

Xəbərlərimizi WhatsApp kanalımızdan da oxuyun