Şou-biznes

"Bu gün meyxana desəm indikindən 10 qat artıq qazanaram"

19 İyun 2024 06:06

Baxış: 1 457

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MÜĞƏNNİ #ŞOU #PUL #MEYXANA

"Meyxanaçılar tələsirlər, rahat götür-qoy edə bilmirlər ki, necə edək. Amma uğurluları da var. Bəzən belə bir ab-hava yaradırlar ki, guya mahnı oxumaqda daha çox qazanc var, nəinki meyxanada. Qətiyyətlə bunu təkzib edirəm. Doğru fikir deyil. Mən bu gün meyxana desəm, indikindən 10 qat artıq qazanaram. Bu söz məni hətta çox pis yandırır".

Milli.Az bizim.media-ya istinadən bildirir ki, bu sözləri meyxanaçı Namiq Qaraçuxurlu qonaq olduğu "Xəbər ətər" verilişində deyib.

Sənətçi bildirib ki, pulu daha çox müğənnilikdə yox meyxanada qazanmaq mümkündür:

"Mənim həyatımda meyxana belə olub, hər gün pul qazanırsan. Elə bir gün yoxdur ki, gəlir əldə etməyəsən. Amma mahnı oxumaq belə bir şeydir ki, müəyyən qaydaların olur, ondan kənara çıxa bilmirsən. Gözüm görə-görə o qədər var-dövlətdən imtina edib, yolumu dəyişmişəm. Səbəblərini də dəfələrlə izah eləmişəm. Bəzi insanlar var ki, peşəkar sənətçilər onları başa düşürlər.

Fikirləşirlər ki, bir xanımdır, lazımsız həyat tərzi sürməsindənsə, səsi olmasa da, qoy, oxusun. Pul qazanır. Bu meyxanaçıların da içində var. Sonra görürsən ki, həmin adam çıxır efirdə oturur və başlayır Azərbaycan mədəniyyətindən, incəsənətindən danışmağa. Peşəkar insanlar var, baxırlar. Ayıbdır! Mən neçə ildir bu sahədəyəm, amma bu barədə qorxa-qorxa danışıram. Ona görə də peşəkarlar necə sizi başa düşürlərsə, siz də onları anlayın ki, bilmədiyiniz şeylərdən danışmayın. Bir az başınızı aşağı salın. Baxırsan ki, səsi yoxdur, amma pul qazanır, deyirsən ki, eybi yoxdur. Plagiat mahılar bəstələyir, satır və sonra çıxır başqalarında səhv axtarmağa. Birinci özünü düzəlt, sonra səhv axtar".

Milli.Az

Xəbərlərimizi WhatsApp kanalımızdan da oxuyun