Şou-biznes

"Nəsimi"nin pərdəarxası - Rasim Balayev qarpız yeməyə gedib, rola başqasını çəkiblərmiş

31 May 2024 10:47

Baxış: 1 930

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #AKTYOR #FİLM

Xalq artisti Rasim Balayev baş rola çəkildiyi, 1974-cü ildə lentə alınan, rejissor Həsən Seyidbəylinin dahi Azərbaycan şairi və filosofu İmadəddin Nəsimiyə həsr olunan "Nəsimi" filmindəki "dərisinin soyulması" səhnəsinin pərdəarxası məqamlarını illər sonra üzə çıxarıb.

Milli.Az bizim.media-ya istinadən bildirir ki, bu haqda 75 yaşlı sənətkar qonaq olduğu "Zarafat bir yana" verilişində danışıb.

"Gəncliyim də bir zibil olmayıb" - VİDEO

""Nəsimi" filmi çəkiləndə evli olmasaydım, biabırçılıq olardı" - VİDEO

Aktyor bildirib ki, çəkiliş zamanı bazara qarpız yeməyə getdiyindən sözügedən ekran əsərinin rejissoru həmin səhnəyə işıqçını çəkib:

"Özbəkistanın Urqenç şəhəri var. Orada bir meydan var. Yəni qədim, tarixi binalardır. O meydanın yanında isə bazar vardı. 50 dərəcə isti vardı. Dedilər ki, bazara qarpız gətiriblər. Bizdə qarpızın kiloqramı 50, orada isə 5 qəpik idi. Qumun üstündə bitən qarpızlar sərin və şirin olur. Yığışdıq getdik qarpız yeməyə. "Nəsimi" filminin rejissoru Həsən Seyidbəylinin şəkər xəstəliyi vardı. Səbirsiz insan idi. Soruşmuşdu ki, Rasim Balayev haradadır?
Ona demişdilər ki, gedib bazara, qarpız yeməyə. Həsən bilməyib biz haradayıq. Ona bazara getdiyimizi deməmişdik. Rəhmətlik Rasim İsmayılov (Rasim İsmayılov kinooperator, kinorejissor - red.) görüb ki, Həsən hirslənir. Deyib ki, problem deyil, işıqçı Rüstəm var. Onun ayağını qoyub çəkərik. Filmə elə onun da ayağını çəkiblər".

Milli.Az

Xəbərlərimizi WhatsApp kanalımızdan da oxuyun