Şou-biznes

"Qaydalara görə Baləli dekan ola bilər" - Təhsil ekspertindən açıqlama

24 May 2024 09:40
Baxış: 2 297
VTB-də minimal faiz dərəcəsi ilə nağd kredit 9.9%-dən
#TƏHSİL #MEYXANA

"Baləlinin ali təhsil almaması onun ali təhsil müəssisəsində dekan, hətta kafedra müdiri olmasına mane olmur"

"Meyxanaçı Balaəli verilişdə deyib ki, "ali təhsil almaq qismət olmayıb, dekan işləyərəm". Bir çoxu meyxanaçını qınayır, lakin qüvvədə olan qaydalar ali təhsili olmayan Baləlinin dekan olmasına məhdudiyyət qoymur".

Milli.Az musavat.com-a istinadən bildirir ki, bu sözləri təhsil eksperti Kamran Əsədov deyib. Ekspert qeyd edib ki, bunun üçün ilk növbədə Baləli dövlət təltifi almalıdır:

"Belə ki, 15.11.2017-ci il tarixli Ali təhsil müəssisələrində kafedra müdiri, dekan və dekan müavini vəzifələrinin tutulması qaydalarına görə (1.6.4.) incəsənət, musiqi təmayüllü kafedraların müdiri və ya müvafiq fakültələrin dekanı vəzifəsini tutmaq üçün elmi dərəcəsi və adı olmayan, lakin həmin sahədə dövlət təltifləri olan şəxslər də iştirak edə bilərlər.

Yəni, Baləlinin ali təhsil almaması onun ali təhsil müəssisəsində dekan, hətta kafedra müdiri olmasına mane olmur. Əgər o, əməkdar artist və ya digər dövlət təltifi alarsa, bu arzusunu da reallaşdıra bilər".

Qeyd edək ki, meyxanaçı Balaəli "Xəbər-ətər" proqramında orta məktəbi bitirsə də, ali təhsil ala bilmədiyini, bununla belə dekan ola biləcəyini deyib:

"Təhsilsizəm, amma hansı universitetə getsəm, dekan işləyərəm". Onun bu sözləri hər kəsdə təəccüb və gülüş doğurub.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.