Şou-biznes

“Space” TV-yə məhkəmədə qalib gələn Zamirə kanalın rəsmi əməkdaşı oldu – FOTO

23 Aprel 2024 18:47

Baxış: 1 495

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MƏHKƏMƏ #QALMAQAL #TV #APARICI

""Space" televiziyası ilə bağlı problemə bu gün son qoyduq. Məhkəmənin qərarı nəhayət icra olundu. Mənə ödənilməli məbləğin bir qismi ödənildi. Bir hissəsini isə kanalın rəsmisi yaxın günlərdə ödəyəcəklərini bildirdi. Artıq mən "Space" televiziyasının rəsmi əməkdaşı hesab olunuram".

Milli.Az bizim.media-ya istinadən bildirir ki, bu sözləri aparıcı Zamirə Dadaşova sosial şəbəkə hesabında paylaşdığı postda yazıb.

"Space" telekanalı ilə məhkəməlik olub və qalib gələn Zamirə bildirib ki, artıq sözügedən televiziyasının rəsmi əməkdaşıdır:

""Space" televiziyası ilə əməkdaşlıq edib-etməyəcəyimi isə zaman göstərər. Bu gün özlərinə də dedim. Sabah kimin harada olacağı bəlli deyil. Mən "Space" televiziyasına qayıtdım, amma sabah Vado Korovinin kanala rəhbərlik edib-etməyəcəyi bəlli deyil. Elə mənim də sabah hansı vəzifələrdə ola biləcəyim sual altındadır. Bircə onu deyirəm ki, Allah heç kimi heç kimin yanında xəcalətli etməsin. Bir-birimizi görəndə atdığımız addımlardan utanmayaq. Üzlərə baxmağa üzümüz olsun. Bu da bir hekayənin sonu. Gözəl başlanğıclar arzusu ilə..."

Qeyd edək ki, Zamirə Dadaşova "Space TV"nin rəhbəri Vado Korovin tərəfindən heç bir xəbərdarlıq edilmədən işdən çıxarıldığını, daha sonra isə əmək kitabçasının ona verilmədiyini bildirmişdi. Zamirə daha sonra onu məhkəməyə vermişdi. Aparıcı daha sonra məhkəmədə qalib gəldiyini açıqlamışdı.

Milli.Az

Xəbərlərimizi WhatsApp kanalımızdan da oxuyun