Şou-biznes

Cici və Bredli Kuper Nyu-York küçələrində əl-ələ - FOTO

25 Mart 2024 20:02

Baxış: 940

VTB-də minimal faiz dərəcəsi ilə nağd kredit 9.9%-dən

#DÜNYADA #MƏŞHURLAR

Artıq hisslərini ictimaiyyət arasında gizlətməyən model Cici Hadid və aktyor Bredli Kuper Nyu-Yorkda görüşərkən növbəti dəfə görüntüləniblər.

Milli.Az bizim mediaya istinadla xəbər verir ki, 49 yaşlı Hollivud ulduzu və 28 yaşlı supermodel "Broadway"də teatr binasından çıxarkən əl-ələ paparazzilərin obyektivinə tuş gəliblər.

Hər ikisi də qara dəri gödəkçə geyinib. Bredli yol boyunca telefonla danışıb. Cici yüksək belli qəhvəyi şalvar və eyni tonda köynək seçib. Həmin köynəyin altına isə model ağ "tshirt" geyinib. Hadid görünüşünü kəmər və qara "loafers" ilə tamamlayıb.

Qeyd edək ki, Bredli Kuperlə Cici Hadidin eşq münasibəti ötən payızda paparazzilər sayəsində məlum olub.

Cütlük bir neçə dəfə fotoqraflar tərəfindən lentə alınıb, lakin ulduzlar münasibətlərini gizli saxlamağa çalışıb. Daha əvvəl insayderlər modellə aktyor arasında münasibətlərin yaxşı getdiyini və onların hər iki qızının iştirakı ilə bir araya gəldiyini bildiriblər (Cicinin qızı Zeyn Malikdən, Bredlinin qızı isə İrina Şeykdəndir). Sosial şəbəkə əhli isə ulduzlar arasındakı münasibətə inanmır və onların özlərini bu yolla reklam etdiklərini söyləyirlər.

Milli.Az