Şou-biznes

Cavanşir Quliyev səhhətindən danışdı

19 Fevral 2024 15:07

Baxış: 972

VTB-də minimal faiz dərəcəsi ilə nağd kredit 9.9%-dən

#HADİSƏ #ƏMƏKDAR ARTİST #XƏSTƏLİK

"İndi yaxşıyam. Təhlükə keçdi. Zamanında müraciət olunduğu üçün hər şey zərərsiz bitdi".

Milli.Az axşam.az-a istinadən xəbər verir ki, bu sözləri bir neçə gün öncə Türkiyədə cərrahiyyə əməliyyatı keçirən Azərbaycanın tanınmış bəstəkarı Cavanşir Quliyev "Günün Səsi"nə açıqlaması zamanı bildirib. Bəstəkar səhhətindən danışıb:

"Kifayət qədər ağır vəziyyət idi. Həkimlərin yüksək peşəkarlığı burada rol oynadı. Vaxtında müraciət, arxadan gələn dəstək - hamısı bu nəticəni verdi. Hazırda yaxşı vəziyyətə gəlib çatmışam. Hətta ondan da yaxşı vəziyyətə gəldim. Çünki bilmədiyim gizli sağlıq problemlərim də var imiş. Onlar da üzə çıxdı və həll etdilər. Sabaha, ya bu günə buraxılacağam. 4-5 gün evde qalacağam. Sonra Bakıya qayıdacağam. Hər kəsə diqqətinə görə minnətdaram. Heç kəsə cavab verə bilməsəm də, hamısını mənə deyirdilər. Açığı bu qədər dəstəyi heç gözləmirdim".

Qeyd edək ki, C.Quliyevin İstanbulda olarkən səhhəti pisləşmiş və xəstəxanaya yerləşdirilmişdi. Bəstəkar bir neçə gün əvvəl əməliyyat olunub. Bəstəkarın müalicəsinə Birinci vitse-prezident, Heydər Əliyev Fondunun Prezidenti Mehriban Əliyevanın tapşırığı ilə Heydər Əliyev Fondu tərəfindən dəstək göstərilib.

Milli.Az

Xəbərlərimizi WhatsApp kanalımızdan da oxuyun