Şou-biznes

Britni Ceylonun əri ilə münasibətindən danışdı - FOTO

11 Fevral 2024 16:24
Baxış: 653
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Britninin Castinin evliliyini təhlükə altına alan açıqlamalarından sonra hələ söz-söhbətlər səngiməmiş, Ben Afflek və Cennifer Lopez ailəsinin üzərində qara buludlar dolaşmağa başlayıb. Müğənninin dili həmişəki kimi başına bəladır. Açıqsözlülüyünə görə daim günahkar da Britni olur.

Milli.Az sfera.az-a istinadən xəbər verir ki, İnstaqram səhifəsində Britni yeni açıqlamalarla çıxış edib.

Cennifer qısqanclığı ilə tanındığından, narahat olmaq növbəsi Ben Afflekindir. O isə Britninin sözlərinə hələlik münasibət bildirməyib.

Britni İnstaqram səhifəsində Ben Afflek, aktyor və bəstəkar Dayan Uorrenlə poza verdiyi şəklini paylaşıb.

"Mən, Ben Afflek və Dayan Uorrenin illər öncəki gözəl şəklimiz! O, çox gözəl aktyordur. O gecə Ben ilə öpüşdüyümü qeyd etməyi unutmuşam... lənətə gəlsin, bu dəlilikdir! Kaş ki, bacara biləydim. Sizə əvvəl baş vermiş bir əhvalatı danışım!!! Aman, Allahım yox, bu nədir? Mən dedi-qodu edirəm".

Fotonun nə vaxt çəkildiyi bəlli deyil, lakin Afflekin 1999-cu ildə eyni şəkildəki kimi saqqalı var idi. Həmin ilin avqustunda onun 27, dekabrında isə Britninin 18 yaşı tamam olub.

O vaxtdan bəri Britni üç dəfə: Cason Alexander, Kevin Federline və Sam Asghari ilə evlənib. O, hazırda Asghari ilə boşanmaq prosesindədir.

Ben isə 2005-ci ildən 2018-ci ilə qədər Cennifer Qarnerlə evli olub, 2022-ci ildə isə keçmiş nişanlısı Cennifer Lopezlə yenidən bir araya gəlib.

Yeri gəlmişkən, Britni və Cennifer Lopez bir-birini İnstaqramda izləyir.

Bir müddət əvvəl Spirs Colin Farrell ilə iki həftəlik münasibətdə olduğunu açıqlayıb. Onlar klub promoter dostu vasitəsilə tanış olublar. Britni "İçimdəki qadın" kitabında aralarındakı ehtiraslı münasibətini "küçə döyüşü" ilə müqayisə edib.

Müğənninin Asghari ilə boşanması demək olar ki, yekunlaşmaq üzrədir. Semin komandası maliyyə sənədlərini pop ulduzun vəkillərinə təhvil verib.

Maliyyə sənədlərinə gəlir və xərclər haqqında bəyannamə, habelə aktivlərin, ayrıca və birgə əmlakın siyahısı daxildir.

Qeyd edək ki, Britaniyadakı qanunlara əsasən, maliyyənin açıqlanması çox vaxt boşanmada bütün tərəflərin razılığa gəlməsini əhatə edən son addımdır.

Milli.Az
Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.