Şou-biznes

"10 min nədir ki, ödəyəcəyəm"

24 Yanvar 2024 16:16

Baxış: 1 958

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏHKƏMƏ #MÜĞƏNNİ #XALQ ARTİSTİ

Xəbər verdiyimiz kimi, məhkəmədə uduzan müğənni Afət Fərmanqızı Xalq artisti Flora Kərimovaya 10 min manat ödəyəcək.

Milli.Az axşam.az-a istinadən xəbər verir ki, hazırda Rusiyada olan Afət sosial şəbəkədə canlı yayım açaraq, məsələyə münasibət bildirib. O bildirib ki, məhkəmənin çıxardığı qərarı yerinə yetirəcək:

"Udanda nə olur ki? Yeyib udmaq deyil ki, məhkəmədə udmaqdır. Mən buradan Floraya minnətdarlığımı bildirirəm ki, gecə-gündüz məni reklam edir. Çox şadam ki, Floranın hesabına saytlar gecə-gündüz məndən yazır. O boyda reklamın qabağında 10 min manat nədir ki? Uduzanda nə olur ki? İki nəfərdən biri udar, biri də uduzar. Belə şeylərlə başınızı yormayın. Vəkilim Bakıdadır, həmin işlərlə, o, məşğul olur. Flora mənə nə edəcək? Flora məni söyüb, mən də onu söymüşəm. İş məndən 3000 kilometr uzaqda, Azərbaycandadır. Mən isə Rusiyadayam. Söyüb, söymüşəm. Boynumdan atmıram ki".

Qeyd edək ki, Flora Kərimova Afət Fərmanqızının onu təhqir etdiyini əsas gətirərək onu məhkəməyə verib və 100 min təzminat istəyib. Xalq artistinin vəkili Xavər İsmayılova deyib ki, hakim Aytən Novruzovanın sədrliyi ilə iki ilə yaxın davam edən məhkəmə bu gün yekunlaşıb.

Flora Kərimova Afət Fərmanqızını xüsusi ittiham qaydasında da məhkəməyə verib. Binəqədi Rayon Məhkəməsi Fərmanqızı haqda həbssiz axtarış qərarı çıxarıb.

Milli.Az

Xəbərlərimizi WhatsApp kanalımızdan da oxuyun