Şou-biznes

ATV-də “SƏHNƏ” açılır - İncə zövqlü tamaşaçılar üçün yeni layihə - VİDEO

4 Yanvar 2024 13:54

Baxış: 833

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #VİDEO #ŞOU #TV

İncə zövqlü tamaşaçılar üçün yeni layihə

Sənət xiridarlarının səbirsizliklə gözlədiyi, teatr sənətinə həsr olunan və tam fərqli bir üslubda hazırlanan "Səhnə" adlı layihə yanvarın 6-nda, saat 22-də, ATV telekanalında yayımlanacaq.

Həyat gerçəkliklərini əks etdirən səhnəylə, teatrla bağlı bir çox televiziya layihələri olub. Lakin "Səhnə" layihəsi tam fərqli yanaşmada tamaşaçıların mühakiməsinə veriləcək. Səhnə və kulis, yaradıcılıq axtarışları, səhnə korifeylərimizin həyat və sənət dünyası, eyni zamanda Azərbaycan teatrının keçdiyi tarixi yol, milli teatrımızın inkişaf mərhələləri və s. kimi məqamlar yeni layihənin əsas hədəflərindəndir.

Maraqlı məqamlardan biri də odur ki, layihənin ideya müəllifi və rəhbəri də, verilişin aparıcısı da məhz sənət dünyasının məşhur simalarıdır. Belə ki, layihənin rəhbəri tanınmış teatr rejissoru, prodüser Ələkbər Tağızadə, aparıcısı isə xalq artisti Fəxrəddin Manafovdur.

Qloballaşma, internet və özündə milyonlarla informasiya daşıyan sosial şəbəkələr, bayağı kontentlər hərdən insanlarda əsil sənət və sənətkar kriteriyalarını elə aşındırır ki, bəzən mənəvi qida təlabatı belə arxa plana keçir. Eləcə də, sənətlə bağlı diskusiyalar, mübahisələr, düşüncələr, axtarışlar da müasir insanın gündəmindən çıxır. Məhz belə bir dönəmdə tamaşaçılara təqdim olunacaq "Səhnə" telelayihəsi teatrımızın keçmiş şöhrətini özünə qaytarmaqla yanaşı

əsil sənət xiridarı olan yüksək zövqlü tamaşaçı da formalaşdırmağa çalışacaq. Bir sözlə, bir-birindən maraqlı sənət hekayələrini izləmək istəyirsinizsə, yanvarın 6-nda, saat 22-də ATV kanalında "Səhnə"yə baxın.

Milli.Az