Şou-biznes

“Məzar”ı telekanallarda qazılan AZƏRBAYCAN MUSİQİSİ: “Efirin özü o mahnılardan daha bayağıdır”

3 Yanvar 2024 15:15

Baxış: 1 201

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #MUSİQİ #QALMAQAL #MÜĞƏNNİ #TELEVİZİYA #APARICI

"Yalnız eybəcər formada atdanıb-düşmək, "puşduq" ritmində olan mahnıları populyarlaşdırıblar".

Bu fikirləri telekanallarda və radiolarda bayağı mahnıların geniş təbliğ olunmasına münasibət bildirən tanınmış teleaparıcı Kamran Həsənli Yenicag.az-a açıqlamasında deyib.

Onun fikrincə, bu məsələdə telekanalların məsuliyyəti daha çoxdur:

"İnternetdə olan bayağı mahnılar efirlərə ayaq açmır, efirin özü bayağılaşıb. Rəhbərlik başda olmaqla, telekanallarda təmsil olunanlar o mahnılara qulaq asan, o təfəkkürdə olan adamlardır. Efirin özü o mahnılardan daha bayağıdır".

Teleaparıcı bu gün Azərbaycan musiqisinin düşdüyü bərbd durumdan da danışıb:

"Musiqimizin bugünkü halı bərbaddır. Bu proses 10-15 il əvvəl başlayıb. Bizim efirlərdə ortaya çıxardığımız istedadların qarşısını kəsdilər. Bayağı müğənniləri pulla efirə çıxarıb, yalandan da dedilər ki, camaat onları istəyir.

Bu gün bizim musiqimizdən əsər-əlamət yoxdur, Azərbaycan musiqisi darmadağın olub. Söhbət bütün janrlardan - pop, rok, rep, caz, estrada, həm də klassik musiqimizdən gedir. Hamısını darmadağın ediblər.

Yalnız eybəcər formada atdanıb-düşmək, "puşduq" ritmində olan mahnıları populyarlaşdırıblar. Buna görə də Azərbaycan musiqisi hazırda yoxdur, məhv edilib".

Milli.Az
Xəbərlərimizi WhatsApp kanalımızdan da oxuyun