Şou-biznes

Kirkorov geyiminə görə “xalq artisti” titulunu itirə bilər

23 Dekabr 2023 21:50

Baxış: 1 040

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MÜĞƏNNİ

Estrada müğənnisi Filipp Kirkorovu bloger və teleaparıcı Anastasiya İvleyevanın qalmaqallı gecəsində iştirak etdiyinə görə "Rusiyanın xalq artisti" titulundan məhrum etmək çağırışı edilib.

Milli.Az kult.az-a istinadla xəbər verir ki, bu təkliflə Təhlükəsizlik və Korrupsiyaya qarşı Mübarizə üzrə Federal Layihənin (FPBC) rəhbəri Vitali Borodin çıxış edib.

Borodin İvleyevanın tədbirində açıq-saçıq geyimdə göründüyü üçün Kirkorovun "xalq artisti" titulundan məhrum edilməsi xahişi ilə Rusiya Mədəniyyət Nazirliyinə müraciət edib. O, gecə iştirakçılarını LGBT təbliğatında ittiham edib (LGBT ictimai hərəkatı ekstremist təşkilat kimi tanınır və Rusiyada qadağan olunub - red.).

Daha əvvəl İvleyevanın tədbirində tamamilə çılpaq görünən (yalnız bir ayağında corab olub) rusiyalı rep ifaçısı Vacio (əsl adı Nikolay Vasiliev) 15 sutka müddətinə həbs edilmişdi. Sənətçiyə qarşı xırda xuliqanlıq faktı ilə bağlı protokol tərtib edilib. Bundan əlavə, o, LGBT təbliğatına görə 200 min rubl cərimə ödəməli olub.

Qeyd edək ki, İvleyevanın gecəsi dekabrın 21-nə keçən gecə Moskvanın "Mutabor" klubunda baş tutub. Gecədə sənətçilər Filipp Kirkorov, Lolita Milyavskaya, Dima Bilan, teleaparıcı Kseniya Sobçak və digər şou-biznes ulduzları iştirak ediblər. Gecədən internetdə yayılan foto və videolar sosial şəbəkə istifadəçilərini qəzəbləndirib. İctimai fəallar prokurorluqdan tədbirdə LGBT təbliğatının olub-olmadığını yoxlamağı xahiş ediblər.

Milli.Az
Xəbərlərimizi WhatsApp kanalımızdan da oxuyun