Şou-biznes

Xalq artisti: "Bina tikiləndən sonra çoxlu nazir dəyişib, kimi günahlandıra bilərəm?"

11 Dekabr 2023 23:00

Baxış: 1 318

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #XALQ ARTİSTİ

"1979-cu ildən bu yana Gənc Tamaşaçılar Teatrında səs akustikası yoxdur. Aktyorların səsi tamaşaçılara çatmır".

Milli.Az xəbər verir ki, bunu "Qaynarinfo"ya açıqlamasında Xalq artisti Yasin Qarayev deyib.

Onun sözlərinə görə, Gənc Tamaşaçılar Teatrının binasında 1978-ci illərdə göbələk xəstəliyi aşkarlanıb və bundan sonra bina sökülüb:

"Yeni bina tikildi. Teatr binasının şərtləri var, gərək bina tikiləndə akustikanı nəzarətdə saxlayasan. Yeni bina haradasa 10 ilə tikilib. Çöldən baxırsan ki, teatr binasına oxşamır, elə bil metrodur. Köhnə binada "dəmirağac" var idi, elə bilirdik bəzəkdir. Sən demə səs akustikası imiş. Onu heç kəs aparmazdı. Düşünürəm ki, elə tikinti gedən ərəfədə onu söküb aparıblar. Bu gün teatr buna görə əziyyət çəkir. Tamaşaya baxırsan, səs axıra qədər gedib çatmır. Bu günlərdə sonuncu tamaşa təhvil veriləndə bu problem ortaya çıxdı, dedilər filan aktyorun səsi arxa oturacaqlara çatmır. Dedim ki, burada aktyorluq heç nə yoxdur, teatrda səs akustikası yoxdur. Neçə ildir ki, bunu deyirik, danışırıq. Teatrda 3-cü sıradan sonra aktyorların səsi eşidilmir. Buna görə aktyoru danlayırlar".

Yasin Qarayev deyir ki, bu problem bütün teatrlarda hiss olunur:

"Amma bu boyda problemdən Mədəniyyət Nazirliyi xəbərsizdir. Bina tikiləndən sonra çoxlu nazir dəyişib. Burada kimi günahlandıra bilərəm ki? Mən kiməm ki? Aradan nə qədər illər keçib. Teatrın səs akustikası bərpa olunmalıdır".

Milli.Az
Xəbərlərimizi WhatsApp kanalımızdan da oxuyun