Şou-biznes

Lamiyyə Ələkbərovaya vəzifə verildi

30 Noyabr 2023 23:45
Baxış: 4 672
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

Aparıcı Lamiyyə Ələkbərovaya yeni vəzifə verilib. 

Milli.Az axşam.az-a istinadən bildirir ki, o, MTV-də musiqi departamentinin direktoru təyin olunub. L.Ələkbərova artıq bir neçə gündür ki, sözügedən kanalda vəzifəsini icra etməyə başlayıb.

O, bu haqda açıqlama verərək, sualları cavablandırıb. Bu günə kimi bir çox kanalda çalışan və layihələrin rəhbəri olan L.Ələkbərova bunları əlavə edib:

"MTV hər zaman ənənəni, tərbiyəni qoruyub saxlayan kanal olub. Mən də bu tərzi qoruyub, daha da uğurlu işlər qatacağam. Bu günə kimi çalışdığım kanallarda etdiyim layihələr necə uğurlu olubsa, inanıram ki, burada da olacaq. MTV kanalının komandası ilə birlikdə maraqlı işlər görəcəyik. Konservatoriyada dirijorluq, Mədəniyyət və İncəsənət Universitetində rejissorluq fakültəsini bitirmişəm. Mənim bu işi görməyə haqqım var. Televiziya təbliğatdır, hamıya örnək olmalıdır. Bu günə kimi MTV bunu qoruyub, bundan sonra da davam edəcəyik. Gözəl kliplər, verilişlər yayımlanacaq. Layihələrin sayını artıracağıq".

Qeyd edək ki, Lamiyyə Ələkbərova 1995-2006 cı illərdə AzTV-də layihə rəhbəri, aparıcı və rejissor kimi çalışıb. 2006-cı ildən 2017-ci ilə qədər hazırda fəaliyyəti dayandırılan "Lider TV"də baş rejissor, teleaparıcı və direktor müavini vəzifəsini tutub. 2017-2018-ci illərdə İctimai TV-də Musiqi, əyləncə və xüsusi layihələr departamentinin direktoru vəzifəsində fəaliyyət göstərib. 2018-ci ildə "Mədəniyyət" kanalında direktor müavini vəzifəsində çalışır. Sonuncu çalışdığı kanal isə "Kanal S" olub. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.