Şou-biznes

Aparıcı Murad Əzimzadə: "TV-lər şounu rəzil vəziyyətə salıblar"

5 Noyabr 2023 05:15
Baxış: 1 190
VTB-də minimal faiz dərəcəsi ilə nağd kredit 10.49%-dən

"Ziyalılar televiziyaları tənqid edirlər. Haqlıdırlarmı? Bəli haqlıdırlar! Televiziyalar ziyalıların tənqidlərinə qarşı özlərini müdafiə edirlər. Haqlıdırlarmı? Həm hə, həm yox!"

Milli.Az teleqraf.com-a istinadən bildirir ki, bu sözləri sosial şəbəkədə aparıcı Murad Əzimzadə bildirib:

"Televiziyalar ona görə haqlıdırlar ki, intellektual və çox ciddi formatlı verilişlər reytinq vermir, istənilən gəliri gətirmir. Belə olan halda telekanallar ayın sonu və ya əvvəli əməkdaşlara maaş vermək üçün tələb-təklif prinsipi ilə hərəkət etməyə məcbur qalırlar. Bu səbəbdən şou formatlı proqramlar artır.

Amma televiziyalar ona görə haqsızdırlar ki, xalqın istədiyi şounu müəyyən əxlaq çərçivəsində, yaradıcı təxəyyüllə yox, qurşaqdan aşağı, rəzil vəziyyətdə təqdim edirlər. Məsələn, uzun illər kanallarımızda "Mərc şou", "Yeriniz məlum", "Tanıdım səni", "Yeni ulduz", "Azəri star", "Ailələr və Talelər", "Günəbaxan", "Musiqili meydan", "Sizin saat" kimi layihələr yayımlanıb və bu layihələr əxlaq çərçivələrini aşmayıb. Deməli, əxlaqlı şou, intellektual şou və xəbər şousu da hazırlamaq mümkündür.

Gərək televiziyalar yaradıcı dayazlıqdan yaranan keyfiyyətsizliyi, "Bizə gəlir lazımdır, xalq bunu istəyir deyə belə edirik", - bəhanəsi ilə malalamasın".

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.