Şou-biznes

Rəşad Dağlıdan xəbər var

26 Dekabr 2022 19:50
Baxış: 9 447
VTB-də minimal faiz dərəcəsi ilə nağd kredit 10.49%-dən

Hazırda həbsxanada olan meyxanaçı Rəşad Dağlı övladları ilə görüşüb.

Milli.Az axşam.az-a istinadən xəbər verir ki, bu haqda onun oğlu Yusifə aid olan instaqram səhifəsində yazılıb. İfaçının qızının fotosu yerləşdirilərək, onun atası ilə görüşdə ağladığı qeyd edilib.

"Betül atası ilə görüşdən sonra nəzarətçilərə "Nə olar, qoyun, atam mənimlə evə getsin, atamı buraxın. Nə olar" sözlərini deyib. Bizləri də ağlatdı" deyə, paylaşımda qeyd edilib. 

Qeyd edək ki, tanınmış meyxanaçı Rəşad Dağlı qonşusu İskəndər Mehtiyevi qətlə yetirməkdə təqsirləndirilir. Qətl hadisəsi noyabrın 9-u saat 05 radələrində Qaradağ rayonu ərazisində qeydə alınıb. Belə ki, 1984-cü il təvəllüdlü R.Əmirov tanışı, 1979-cu il təvəllüdlü İskəndər Mehtiyevi şəxsi münasibətlər zəminində aralarında yaranan münaqişə zamanı bıçaqla çoxsaylı xəsarətlər yetirərək qətlə yetirib. Faktla bağlı Qaradağ Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. Rəşad Dağlı barəsində 4 ay müddətinə həbs qətimkan tədbiri seçilib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.