6 ayda pəhrizsiz 27 kilo arıqladı - Sirrini açıqladı: “Yeməkdən sonra…”

Arıqlamaq çoxları üçün səbr, nizam-intizam və qərarlılıq tələb edən çətin bir prosesdir. Sağlam qidalanma, düzgün məşq proqramı və gündəlik həyat tərzində edilən kiçik, lakin təsirli dəyişikliklər məqsədə çatmağı asanlaşdıra bilər. Eynilə, 6 ay ərzində 27 kilo itirməyi bacaran Simar kimi. Sosial mediada paylaşdığı videolarla diqqət çəkən gənc qadın, həm arıqlama prosesini, həm də qarın bölgəsini möhkəmləndirməyə kömək edən üsullarını izləyiciləri ilə bölüşüb.

Milli.Az Simarın əsas vərdişlərijni təqdim edir:

Təbii qidalar seçin
Simar mümkün qədər emal olunmuş məhsullardan uzaq durmağın vacib olduğunu vurğulayır. "Whole foods" adlandırılan təbii və tam qidalar şişkinliyi azaldır və uzun müddət tox qalmağı təmin edir. Bu, artıq yeməyi önləməyə kömək edir.

Keyfiyyətli yuxu vacibdir
Kilo nəzarətində yuxu qidalanma qədər önəmlidir. Simar hər gecə 7-8 saat keyfiyyətli yuxu almağa diqqət etdiyini bildirir. Yuxu çatışmazlığı iştahı artırır, xüsusilə şirin və yüksək kalorili qidalara meyli yüksəldir.

Hər yeməkdən sonra 10 dəqiqə gəzin
Simarın ən çox diqqət çəkən məsləhətlərindən biri qısa gəzintilərdir. Hər əsas yeməkdən sonra 10 dəqiqəlik yüngül gəzinti həzmə kömək edir və metabolizmi sürətləndirir. Bu kiçik vərdiş ümumi gündəlik hərəkət miqdarını artıraraq arıqlamağa ciddi dəstək olur.

Həftəsonu kiçik güzəştlərə yer verin
Simar sərt pəhrizlərin davamlı olmadığını deyir. O, özünü tam məhrum etmir, lakin həftəsonu etdiyi kiçik güzəştləri gündəlik kalori və makro balansına uyğun tənzimləyir. Əsas məqam isə "ardıcıllıq"dır - yəni prosesi dayandırmadan davam etdirmək.

Qida seçimləri və əlavə strategiyalar:

Simar əvvəlki videolarında arıqlayarkən seçdiyi qida qruplarını da açıqlayıb. Ən çox istifadə etdiyi protein mənbələri toyuq, yumurta və tofu olub. Karbohidrat olaraq maya olmayan çörək və bişmiş düyü seçib. Avokado və meyvə kimi sağlam yağlardan da faydalanıb. Atışdırmalıq üçün isə popkorn və qatığı seçib, çölə çıxanda isə tox qalmaq üçün aşağı kalorili içkilər içib.

Əlavə olaraq Simar arıqlamasına kömək edən digər dörd üsulu da paylaşıb:

• Yüksək protein - aşağı karbohidrat qidalanma

• Süni şəkəri tamamilə buraxmaq

• Həftədə 3-4 dəfə qarın məşqləri (core) etmək

• Gündə 8.000 addımdan çox gəzmək

Simar izləyicilərinə "aşırı pəhrizlər yerinə davamlı və sağlam qidalanma vərdişləri" yaratmalarını tövsiyə edərək sözlərini tamamlayıb.

Lalə Qüdrətova
Milli.Az