Şou-biznes

"Anamı o an öldürərdim" - Əməkdar artistdən ŞOK ETİRAF - VİDEO - FOTO

3 Dekabr 2022 12:39
Baxış: 3 938
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Əməkdar artist Nüşabə Ələsgərli "Zaurla Günaydın"da həyat yoldaşı Rza ilə bağlı heç harda etmədiyi etirafları ilə diqqət mərkəzinə düşüb.

Milli.Az xəbər verir ki, aparıcı Zaurun Əməkdar artistə ünvanladığı "Rzanı niyə bu qədər çox istəyirsiniz?" sualına belə cavab verib:

"Bu evlilik mənim üçün sevgi nəticəsində olmayıb, məntiqlə evlilik idi. Artıq 16 ildir Rza ilə evliyik. O vaxt uşaqlarımdan birinin 9, o birinin 10 yaşı var idi. Artıq həyatı dərk edən yaşlarında idilər. Belə bir məqamda çox çətin idi bu addımı atmaq. 

Birinci anamın sərhəddini keçmək lazım idi, anamı razı salmaq lazım idi. Anam o barədə çox zabitəli və övladların ola-ola ikinci evliliyə çox pis yanaşan insan idi. Amma düşündüm ki, məntiqlə düz etmişəm.  

Anam bu evliliyə heç vaxt razı olmadı. Amma sonra elə sevinirdi ki. Anam artıq yataqda olanda dedi ki, "Rza, balalarımı sənə tapşırıram". Övladlarım Rza ilə zamanla qaynayıb-qarışdılar. Mən ha deyirdim ki, "yox, amma ürəyimin dərinliyində deyirdim ki, bəlkə anam haqlıdır, mən səhv edirəm". Amma nə yaxşı ki, bu addımı atmışam. 

Bir qadın kimi mənim çiyinlərimə çox ağır yük düşdü. Asan olmadı. İndi o günlər gözümün qabağına gəlir, deyirəm "Ay Allah, qurban olum sənə, necə ağıllı uşaqlar imiş". Məsəl üçün, mən olsaydım, mənim anam ərə getsəydi, anamı öldürərdim". 

Ətraflı videoda:

Məhəmməd Vaqif
Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.