Şou-biznes

Xalq artisti və həmkarı uşaq alverində İTTİHAM OLUNUR - FOTO

30 Noyabr 2022 12:07

Baxış: 2 157

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

Rusiyanın Xalq artisti Filipp Kirkorovla həmkarı Sergey Lazarevi uşaq alverində ittiham ediblər.

Milli.Az bizim media-ya istinadən xəbər verir ki, Dövlət Dumasının deputatı Nina Ostanina qeyd edib ki, Rusiyada uşaq alveri qadağandır.

Bununla əlaqədar o, məşhur ifaçılara müraciət ünvanlayıb.

"Mən Kirkorova və Lazarevə qarşı deyiləm, qoy yaşasınlar, oxusunlar və sağlam olsunlar. Mən ailələrdə uşaq sahibi olmağın qeyri-ənənəvi üsulunun təbliğinin əleyhinəyəm. Lazarev də Kirkorov kimi övlad sahibi ola bilməyiblər. Onlar isə öz uşaqlarını "ala biləcək"lərini nümayişkaranə göstərirlər. Bu, qeyri-ənənəvi dəyərlərin təbliğidir" deyə Ostanina "Radiotochka NSN"ə müsahibəsində bildirib.

Ostaninanın sözlərinə görə, surroqat anaların pullu xidmətləri uşaq alveri kimidir.

Eyni zamanda, deputat səhhətinə görə uşaq sahibi ola bilmədiyi üçün bu üsula əl atan cütlüklərə necə münasibət bəslədiyini açıqlamayıb.

Qeyd edək ki, 55 yaşlı Filipp Kirkorovun surroqat ana vasitəsi ilə iki övladı - 10 yaşlı Martin adlı oğlu və Alla-Viktoriya adlı qızı var. Sergey Lazarev də surroqat ana vasitəsi ilə iki övlada sahiblənib. Müğənni 2013-cü ildə ilk dəfə ata olub. O, doğulan oğlan övladına Nikita adını verib. 2018-ci ildə isə Lazarev qız atası olub. Sergey qızına Anna adını verib.

Milli.Az